地址: 元朗教育路87-99號鴻發樓地下E舖
電話: 2442-1811
星期六晚去佐許願樹食飯, 我地叫佐個焗田螺, 咖喱龍蝦脆面, 燒雞扒, 同埋心太軟, 我地加廿五蚊轉佐其中一個做餐, 另外我仲叫佐杯朱古力雪香.
餐湯我地揀佐意大利菜湯, 我覺得淡佐D.
焗田螺我覺得麻麻地, 無咩焗既感覺.
個龍蝦脆面好大堆頭, 好多雜菜係裏面, 都算幾好食.
個燒雞扒, 普普通通啦.
最後壓軸既心太軟, 果然好好味呀, 拼埋個雪糕, 完全係我既至愛甜品類型, 好食到連碟都想舐埋...
不過最大問題係呢間餐廳好鬼多蟻, 我地一路食D蟻一路係枱面爬, 後尾我地頂唔順向waiter反映, 佢地幫我地換過張枱, 但仍然都係有蟻係枱面度爬黎爬去. 而且係換枱既過程中, 我明明碟野都未食晒, 仲有舊西蘭花同一舊龍蝦係個碟度架, 點知佢收晒D碟, 激死我! 我會將最鍾意食既野留到最後先食架麻, 有咩理由見到我個碟仲有野都收佐佢架, 嗚嗚~~
是次每人消費約$160元
沒有留言:
發佈留言