荃灣半天遊

呢排鬼咁忙, 又無心情寫BLOG, 啱啱先完成到柬埔寨越南之旅既遊記, 其實我12月份仲有D野想記錄低.

2月冬至果日我同流沙包去咗荃灣行街, 主要想去即將結束營業既新中聯國貨公司行吓. 我見橫掂去開荃灣, 不如就去好耐無去過既嘉樂冰廳食lunch啦, 呢間餐廳係六, 七年前有朋友帶我黎食過, 對於佢既巨大奄列嘆為觀止, 不過呢六, 七年黎我都無再幫襯過了.

 

地址: 荃灣新村街40B號地下

 

而流沙包原來黎都未黎過嘉樂添, 所以就襯住大家都放假既平日下午, 黎咗嘉樂冰廳食lunch. 果日我地好似一點十黎到, 門口仲有5, 6人排緊隊.

 

入座後我地order咗個細奄列, 一個雲吞撈粗, 同一份蛋牛治. 本來我無諗住叫三文治架, 不過見佢門口張紙貼住”星期六, 日及公眾假期, 暫停供應蛋類三文治”, 咁巴閉? 於是就即管叫黎試下.

 

我地食完個細奄列其實都飽飽地, 果份蛋牛治完全係KO咗我地, 今餐真係食蛋食到傻…

 

其實我本來仲想試吓個炸雲吞同雞翼架, 不過因為我喉嚨痛唔舒服, 所以費事叫煎炸野食啦, 一陣過幾日去到柬埔寨先黎扁桃腺發炎就麻煩.

 

 

喺嘉樂食完個lunch, 我地就去新中聯國貨行吓, 其實以前元朗既中都國貨未執果陣, 我都間唔中去行吓架, 有時見到D國貨產品, 我反而覺得好”新奇”, 因為平時好難會喺街遇到嘛, 而且有D物品 好多時都只係睇電視/聽人講過, 未親眼見過實物, 所以有時行國貨公司就好似玩尋寶遊戲咁, 幾開心架~ 可惜國貨公司始終逃唔過被淘汰既命運…

 

我喺國貨公司都買到D野, 有黑豆粉芝麻粉啦, 止咳水啦…