唔知大家仲記唔記得, 我公司係無微波爐的(就算有, 我都唔想留喺公司食飯囉, 我要出去抖吓氣!), 每一日出街食飯都要煩食乜.
有時諗唔到去邊 都會間中去吓大家樂, 但係大家樂真係越做越衰, 越做越賤, 越做越cheap.
幾個月前既某日 下午茶時段我叫咗個叉鴨瀨粉, 連飲品都要成$24定$25.
先講D叉燒, 真係好佩服佢地既切法同埋擺法囉, 佢每一舊叉燒都切得好長好濶, 從上面睇你會以為舊叉燒好大舊; 點知一夾起, 原來係勁幼架囉!!! 真係離晒譜呀!!!
再睇埋碗裏面既燒鴨真係把幾火, 四舊有三舊都係皮連勁大舊肥膏痴住D骨, 根本都無肉食既, 有無搞錯呀?!!
我真係按捺不住, 成碗野拎番去counter投訴, 佢地話換過碗比我; 挑! 換完返黎果碗咪又係咁樣, 得一舊係有肉架咋, 其他果三舊都係皮同埋肥膏黎!!!
我決定唔會再黎大家樂食飯! 真係太刻薄, 廿幾蚊個下午茶又唔係平, 份量勁少, 食完唔飽又谷氣, 我食過第二間無咁嬲!!
4 則留言:
我食皮的所以還好, 總好過我食雪菜肉絲米搵唔到肉絲乜滯...
[Hoi Ying回覆03/23/2012 21:57:11]係少食為妙, 平時都好少食皮, 因為通常都係白烚豬肉... 食菜多囉~ 但有時見到板好難忍口~
[版主回覆03/14/2012 12:40:00]食皮好肥架喎, 少食為妙呀~~
唉,而家好難搵食呀,嬲得幾多吖,下次搵間正野囉,冇計喎,拜拜...
[版主回覆03/14/2012 12:42:07]會架啦, 總之唔會再幫襯.
換左都係皮＋肥膏＝趕客、吾憂無生意！
[倭国団長回覆03/14/2012 14:26:15]在有選択的情況下、我寧願去食碗米線OR麦記。。
[版主回覆03/14/2012 12:40:32]係囉, 仍然都咁多人幫襯.
大快活, 美心一樣衰. 大快活Lunch 杯野飲要加10蚊, 一個餐要成40蚊, 我駛鬼自己捧! 有次美心食個似兒童餐tea set, 什麼蝦多士, 隻蝦米都大過佢, 仲有叫個豉椒雞球炒麵, 炒左個榨菜肉絲, 話上錯牌. 而家d快餐total rubbish. 真係火屎都來埋!!!!!!
[版主回覆03/14/2012 12:41:30]係啦, 離晒譜, 價錢就越黎越貴, 份量就越黎越少.
發佈留言