某個星期, 澳門有個同事過咗黎香港, 於是我地一齊去咗海港城間鴻星飲茶.
我地貪得意嗌咗D公仔形狀既創作點心, 睇佢張餐牌, 個形係幾得意架麻, 點知黎到之後, 個樣貌完全貨不對辦既…
比大家睇吓個餐牌對比吓:
另外, 某日係公司用隻膠杯斟熱水, 個膠杯竟然自動爆開咗喎…?!
隻膠杯係喺SOGO新買架, 只係用咗幾個月咋, 竟然咁鬼化學, 咁就爆開咗…
隻杯仲要係我喺pantry斟完水, 行到返自己個座, 將個杯擺低係枱面無耐, 佢就突然”咔”一聲自爆勒, D水即刻流到成枱面都係. 好彩我果陣無咩重要文件喺枱面啫, 同埋好彩呢杯只係清水, 唔係咩咖啡華田啫, 否則我成張枱D野同埋D文件唔駛要啦!!!
真係未試過用膠杯用到爆杯架… 飲水機D水可以有幾熱啫?? 隻杯我又從來無跌過無大力踫撞過, 咁鬼渣架隻杯…
順帶一提由於我呢隻只係膠杯唔係玻璃杯, 佢爆杯果吓”咔”一聲, 無打爛玻璃杯既聲音咁動聽, 亦都無碎片比我排靚靚, 無得細心欣賞, 寫唔到二百字抒情文, 我唔駛五分鐘就清理咗現場. 事後只係唔忿氣隻新杯咁快就爛咗, 寫咗呢二百字勞騷文.
3 則留言:
你發皮四係正常嘅,係人都激氣啦,呢個世界無計喎,再見......
甲虫？老虎？点睇都吾似！ｄ味道点先？有無真既甲虫在内亞！？
杯死杯還在、買過隻lah!
我之前都有隻心愛杯、点知天災奪愛、我以後都吾買ｄ我認為貴価杯来用lah! 現在我用既係粗粗地、爛左買過第２隻、全無心痛。。
[版主回覆03/19/2012 13:00:18]味道真係普普通通啦.
其實我都係用埋d普通杯, 有d係人地送, 有d係贈品, 都唔會自己買杯用.
以為小朋友勞作
[版主回覆03/19/2012 12:55:29]係呀, 其實佢整到咁既款, 不如正正經經整番d普通點心就算.
發佈留言