無錢開飯都要買手信...

返黎香港前, 除佐要幫人買野走水貨之外, 當然唔少得要買一大堆手信返黎.

說實在, 我係好討厭好討厭買手信呢個動作. 我覺得手信其實係製造浪費既一個行為, 講真, 送比人既手信其實都係一D唔實用既野(所以我通常都買D食得既野), 而且又唔知對方鍾唔鍾意, 可能對方收到之後都係收埋係櫃筒底就算. 雖然話係一番心意啫, 但我覺得真係好浪費地球資源囉.

其次就係成日要諗要買比D咩野人, 要計住有無買漏, 又要諗到底買咩野好... 買完又一抽二lung咁繼續行程, 拎住一袋二袋又重又阻碇, 好麻煩. 我去旅行到底係想輕鬆享樂定係為佐好似欠債咁要買咁多手信架??

討厭買手信既第三個原因係, 自己既野其實都已經塞爆喼啦, 仲要放埋一大堆手信入去, 點搞呀??

而今次返香港, 我自己更搞到無錢開飯都要買手信, 因為我之前醒唔起返黎香港前要用好多錢買野, 叫流沙包幫我帶晒D円返香港(円高麻, 返香港兌番港紙). 如果唔買手信的話又會比人唱啦, 所以就算自己唔食都要用D錢黎買手信, 唉... (係可以碌卡既, 但我專登叫流沙包拎晒D錢返香港係因為円高麻; 我而家搵錢係搵日本円, 如果碌卡既話, 銀行計番個咁高既rate, 我到時找港紙數, 好唔抵架麻)

今次返去, 淨係買手信都應該駛佐我起碼30,000円, 唉...