又睇唔過眼...

返佐黎香港幾日, 去佐酒樓飲茶, 去佐食上海菜, 越南菜, 今晚將會食北京菜.

另外仲去佐圖書館, 晒佐相, 買佐相機電...

我返到黎香港, 發覺原來而家香港既圖書館係唔駛關掉鈴聲, 同埋係可以講電話架喎.

D人電話唔較震機係咁響, 然後可以肆無忌憚咁去接聽電話, 仲要講到大大聲聲咁, 而且仲可以一直係咁講佐幾分鐘, 中間係完全無職員去勸阻佢架喎. 真係好野喎. 我而家先知原來香港既圖書館係可以講電話架.

同埋巴士上D人仍然好鍾意放大喉嚨係度講電話架喎, 佢既音量大到, 如果佢坐後面最後一排, 坐係前面第一排既人都仍然清晰地聽到佢既對答囉... 你知日本係唔可以係車箱內傾電話架麻, 返到黎香港真係覺得好噪音呀(其實未去日本之前都已經好討厭D人係車箱大大聲講電話同開住個聲黎打機)!