我的日本語學校

因為我果一篇<我的日本語學習>既BLOG, 好多人都問我喺邊一間日本語學校讀日文.

所以我決定"公諸同好", 講一講我讀既果間日本語學校.

我黎日本前所讀緊既日本語學校叫IMT日本語教室, 係油麻地碧街, 佢只係一間好細間既日本語學校, 因為佢著重口語, 所以係小班教室, 因此課室只係得七個位左右.

但係我自己覺得阿sir佢真係教得好好, 呢間學校真係有別於出面坊間既日本語學校淨係識得用"大家的日本語"呢本書照住黎教, 呢間學校係完全唔用坊間既日文書, 教材係自己編制的, 佢教到你好多日文書學唔到既地道日文.

阿sir佢係香港人, 可能大家覺得學日文梗係搵番日本人教好D啦, 我之前都係咁諗, 所以未搵到IMT之前, 我都專登報過第一日語果D由日本人教既會話班, 但我發覺完全無幫助. 只有香港人阿sir佢先可以話到比你知, 廣東話既"大鑊", "你理得我吖!", "有得佢啦!", "咁啱得咁橋", 日文可以點樣講.  

大家可能覺得我呢篇BLOG好hardsell, 但我真係覺得呢間日本語學校唔錯, 阿sir佢真係用心去教, 真係好用心咁去提升大家既日文會話能力. 我係大學讀佐三年日文, 但阿sir佢所教既日文, 係我之前喺大學三年都無學過, 但就會係日劇成日聽得到既地道日文.

所以如果大家唔嫌學貴比其他學校稍貴, 我真係好推介大家去試吓呢間日本語學校架~

報告完畢.