2009年11月21日(六)-- 草津之旅part 1: 上野去草津溫泉

又係晨咁早出發, 我喺上野搭6:30既長野新幹線先到高崎.(其實唔一定要咁早既, 但係我諗住用盡D時間麻)

7:15去到高崎, 然後轉普通既上越線去長野原草津口.(其實有特急既"草津號"直接去到長野原草津口既, 但我嫌晏得濟麻...)

繼上次要按掣先會開關既車門後, 今次遇上要自己手動開關既車門:

8:48, 黎到啦~:

唔好以為到佐草津啦, 係黎到呢個車站再轉巴士呀:

搭8:58既巴士向草津溫泉出發~:

我今次本來諗住先去白根火山同殺生河原睇吓架麻, 點知黎到發覺已經係冬季運休中, 我之前上網check時刻表果陣又睇唔到話已經運休囉喎, 早知唔駛晨咁早黎到草津啦...

不過唔係問題既, 咪即刻改變行程囉, 今日做佐兩樣本來行程無既節目, 其中一樣係去佐熱の湯睇湯もみと踊り, 盛惠500円.

湯もみと踊り即係睇一班歐巴桑用木板攪溫泉水(因為溫泉水溫度太高, 所以就要用木板攪動既方法去降溫):

跟住會邀請觀眾出黎體驗吓, 玩完會有紀念品(我見好似係毛巾同埋一張紀念狀):

然後再有D嬸嬸出黎跳舞:

 

睇吓D水幾熱, 出晒煙架...:

成個表演約20分鐘左右就完, 我就覺得無咩特別, 500円似乎貴佐D添, 如果大家趕時間, 我覺得唔睇都唔係損失.

不過如果大家想睇, 就要預好D時間, 因為我記得10點同10點半都會有一場, 但之後就要等到下午3點先再有表演.

睇完表演後, 就去草津溫泉既著名景點 -- 湯畑: