好樣衰呀, 係超市唔夠現金比...

星期一去完慶應大學學園祭, 跟住就去超市入貨啦, 見到D微波爐食品一律五折喎, 當堂兩眼發光即刻掃佐一大籃(我見平時就算做特價都只係六折架咋, 五折係第一次見).

然後再等八點半掃埋D半價便當, 又掃佐一大籃, 推住兩大籃貨去到收銀處比錢, 打開銀包, 弊勒, 未出糧, 駛淨5,000円, 但係埋單要六千幾円喎... 於是樣衰衰問5,000円比現金, 尾數果千幾円碌卡得唔得(千幾円都碌卡, 我都得架啦...; 但如果全數碌卡又唔抵, 而家個rate咁高), 真係超核突呀...

加上我一個女仔買佐兩大籃野, 全部都係便當同微波爐食品, 我覺得個收銀見到都有少少嚇一跳囉...

拎到返屋企真係手跛咁濟...

睇吓D微波爐食品, 塞到個冰格爆晒, 再買多少少都放唔落:

勁, 十盒便當, 夠我午餐同晚餐食足一個星期(係呀, 過佐期我都照食架, 都未變壞):

買完野後我全副身家唔夠五百円, 好彩第二日返工就出糧啫~~