嗱, 我出年4月返黎唔會買手信/幫人買野走水貨架啦...

我寫埋呢個blog, 就要出發去機場啦. 估唔到咁快就係香港過佐9日, 呢一刻真係有D唔想返日本. 返佐去之後, 我要係日本工作到2010年3月31日, 然後4月先回歸香港.

返黎呢9日, 流沙包仍然係咁多野做, 我返黎既7號~15號, 佢淨係7號成日陪住我, 8號晚同我一齊食飯, 同埋13號晚陪我去睇戲之外, 其他日子我都係自己一個人, 自己同朋友出去食晚飯. 即使我今日飛啦, 佢都係一朝早出佐去帶隊, 我一陣都係自己一個人拖喼去機場.

轉個話題, D手信已經派晒, 所以可以登D相出黎. 以下係部份我係日本買返香港既手信, 佔滿佐大半個喼. (有好多野係流沙包之前黎日本探我果陣已經叫佢預先幫我帶佐D返香港架啦, 否則的話D野要兩個喼先夠裝)

我屋企人既:

流沙包屋企人既:

公司同事既:

 

大學同學既(兩隻熊仔影錯佐, 應該係深圳同事既):

中學同學既:

元朗人既:

其他:

我出年4月正式回歸香港既時候, 自己既野一定爆喼之外, 應該仲要pack箱郵寄返香港架啦. 所以我在此先旨聲明, 我出年4月返黎既時候唔會買手信, 亦唔會幫大家買野架啦.

不便之處, 敬請原諒.

(考慮緊以後去旅行都唔再買手信; 所以同樣地大家去完旅行都可以唔駛送手信比我唷~)