最慘係我其實唔飲得麻, 其一係我覺得酒既味道好難飲, 紅酒我只係"咪"兩啖都打晒冷震; 其二係我對酒精敏感架, 一飲酒個身就會紅晒, 鬼死咁痕.
我一黎到日本已經響晒朶話自己對酒敏感, 但日本同事似乎都唔當一回事, 成日都問呢樣飲唔飲得, 飲少少得唔得; 去到某D全世界都要飲酒既場合, 我唔知如果真係堅決拒飲的話, 會唔會係好無禮貌/係好掃興既一件事, 所以我都會陪飲既. 最慘係社長好鍾意叫人"一気", 仲要係飲果D我覺得超難飲既燒酎... 上次公司旅行, 社長又拉我"一気", 好彩女同事醒目, 我果杯燒酎幫我用水溝淡佐, 然後又會有其他同事出黎幫我頂.
但係我真係飲一, 兩杯酒就會敏感架麻, 好似上次個紅酒party, 我只係飲佐兩小杯, 之後個身就起晒紅色啦, 好痕呀...
好變態, 咁都影一餐, 但真係好想嗱起件衫比D日本同事睇:"我飲佐酒就會變成咁架啦, 唔好迫我飲酒啦~~":
最衰係D紅印只會係個身出現, 塊臉同手手腳腳又無野架喎, 同事見唔到我飲佐酒會變成咁. 如果連手手腳腳都會起埋紅印, 我諗D同事見到後先唔會再迫我飲酒囉...
嗚, 打工係咁架啦, 小小敏感, 頂硬上啦~~
沒有留言:
發佈留言