無聊的什麼台慶頒奬典禮

說實在, 係香港我已經好少追無記既劇集睇, 黎到日本之後, 更加覺得香港既電視節目真係超級無聊.

日本既電視節目真係好睇好多, 有學術性, 資訊性, 娛樂性, 綜藝性, 搞笑性... 各種各類既節目都有, 即使係日劇, 都題材豐富. 唔似得香港既電視台, 做黎做去都係D八婆劇集, 又或者搵幾個著低胸短裙行行企企既所謂綜藝節目. 無記D劇集黎黎去去又係D八婆互鬧集集嘈圈巴閉潑婦罵街咁, 再唔係就黎黎去去都係情情塔塔三角/四角關係; D遊戲節目又淨係識抄台灣日本, 無D新意.

之前返香港, 成日見到係度討論什麼視帝視后, 什麼睇好邊個攞奬, 諗好得奬感受未... 唉, 好心啦. 呢D咁既電視台小圈子自己友玩晒既所謂"頒奬典禮", 明知係100%造馬, 又完全無代表性, 我都唔知有咩好討論. 比你攞到奬咁又點啫? 你估你真係好演技或者受觀眾歡迎呀? 攞到奬只係代表你係"我最受無記寵愛的藝員"或者係"我今年最受力捧的藝人", 又或者"我是最得高層喜愛的親生女/親生仔"咋... 扮乜鬼野投票選舉啫, 超低能...

好樣衰呀, 係超市唔夠現金比...

星期一去完慶應大學學園祭, 跟住就去超市入貨啦, 見到D微波爐食品一律五折喎, 當堂兩眼發光即刻掃佐一大籃(我見平時就算做特價都只係六折架咋, 五折係第一次見).

然後再等八點半掃埋D半價便當, 又掃佐一大籃, 推住兩大籃貨去到收銀處比錢, 打開銀包, 弊勒, 未出糧, 駛淨5,000円, 但係埋單要六千幾円喎... 於是樣衰衰問5,000円比現金, 尾數果千幾円碌卡得唔得(千幾円都碌卡, 我都得架啦...; 但如果全數碌卡又唔抵, 而家個rate咁高), 真係超核突呀...

加上我一個女仔買佐兩大籃野, 全部都係便當同微波爐食品, 我覺得個收銀見到都有少少嚇一跳囉...

拎到返屋企真係手跛咁濟...

睇吓D微波爐食品, 塞到個冰格爆晒, 再買多少少都放唔落:

勁, 十盒便當, 夠我午餐同晚餐食足一個星期(係呀, 過佐期我都照食架, 都未變壞):

買完野後我全副身家唔夠五百円, 好彩第二日返工就出糧啫~~

2009年11月23日(一) -- 慶應大學學園祭

今日係三連休最後一日, 從BLOG友Ru既blog得知呢幾日係慶應大學既學園祭, 所以趁今日去睇吓~

平時睇日本漫畫都成日有學園祭既內容, 估唔到黎到日本有機會親身去感受吓, 真係好熱鬧. 個個大學生都充滿活力, 滿腔熱血, 相比之下我真係老了...

慶應大學 三田校舍:

　

慶應大學既學園祭名為三田祭.

好多小食店呀:

好黑呀, 大家見唔見到做緊乜??:

慶早=慶應 X 早稻田:

上班房睇吓先:

　

呢個女僕造型唔得喎...:

呢度係Morning娘研究會, 大家係度跳緊舞:

呢個女僕造型好好多, 都算"靚女"吖. 但點解D班房一定係變做喫茶店, 點解一定要男學生扮女侍應既呢...?:

黎到玩band既area:

個hall都幾大喎:

今日係學園祭既最後一日, 最後既表演 --  後夜祭:

大家載歌載舞, 氣氛高漲:

學園祭即將結束, 呢個唔知乜乜學生代表上台講話, 一路講一路喊, 日本既大學生真係好熱血呀~~:

真係最後啦, 台下觀眾都好投入架~~:

　

一出學校東門就見到東京鐵塔:

慶應大學東門就係"隱藏"係普通大廈中間, 頭先黎果陣搵到我吖, 係附近兜黎兜去行佐四十分鐘先搵到...:

向更高難度挑戰: 一條友向立山黑部進發~

當呢篇blog出街既時候, 我應該身處立山黑部. 立山黑部將會係12月開始"閉山"(因為大雪麻), 於是趁閉山前呢幾日即刻去立山黑部睇吓.

由東京出發往立山黑部都幾轉折, 而且交通費係勁貴. 不過如果而家唔去, 我唔知幾時先會有機會去囉. 到佢明年開山果陣我已經返佐香港了.

其實一條友去我都驚驚地, 又落雪又凍, 無人扶住我一定會係雪地"扇"低啦, 而且我又無帶背囊黎日本, 拎住個側揹袋我驚唔方便上路呀, 希望到時一切順順利利啦.

但係天氣予告話星期六會落雨, 真係好討厭呀!! 次次出發都陰天/落雨既??

2009年11月22日(日) -- 輕井澤一天之旅 part 5: Prince Shopping Plaza

行完輕井澤既自然風景, 跟住緊係黎outlet血拼啦~ outlet喺車站南口一出就到:

離遠見到個滑雪場:

呢度有D310, 有流沙包最鍾意既DESCENTE, 但可惜D款勁少...:

成日都無食過野咁濟, 四點幾先坐低醫肚:

outlet都有BV... 不過就算佢半價我都係買唔起架啦...:

落雪呀~:

今日既晚餐, 唔好食既蛋包飯, 1,000円:

行完outlet, 回程返東京lu:

 

今日係outlet無咩收穫, 淨係買佐呢條裙, 5,775円:

仲有買佐D食得既野囉...:

買佐兩件衫仔比外甥仔, BB衫真係貴, 嗱起手最平都兩, 三千円:

魔童鍾意車車, 所以買D有車車圖案既衫:

呢幾日係outlet買滿2,000円可以蓋印, 蓋到過三關就可以參加抽奬:

我既奬品係一個環保袋:

輕井澤之旅就此完結.

下一站? 立山黑部!!

2009年11月22日(日) -- 輕井澤一天之旅 part 4: 雲場池

黎到輕井澤點可以唔踩吓單車呢?:

其實我係想去雲場池, 行路又好似好遠咁, 所以租佐一個鐘頭單車, 500円.

我既戰車:

踩單車+睇地圖+搵路=15分鐘左右就由銀座通踩到黎雲場池:

 

 

 

 

 

小花同架單車好襯色喎~:

因為好多時單車要係馬路上踩, D車就喺你身邊經過, 所以如果踩單車唔精既人, 建議就唔好租單車踩啦, 又或者盡量唔好踩出馬路, 淨係踩D有行人路既地方.

2009年11月22日(日) -- 輕井澤一天之旅 part 3: 舊輕井澤銀座通

行完舊三笠酒店後, 搭一個巴士站就黎到舊輕井澤.

 

 

 

我想去呢間美術館架, 但一個人去, 無人同我影相, 無意思啦~ (呢間美術館係玩錯覺藝術麻):

舊輕井澤銀座通有好多賣果醬既舖頭, 可以隨便試食, 連蜜蜂(係左手邊)都吸引到黎:

係銀座通有條橫街, 轉入去就黎到聖パウロ教会.

 

 

輕井澤呢度有好多婚紗相公司:

銀座通行到盡頭就係ショー記念禮拜堂:

無咩特別, 只係有間教堂:

好大隻呀: