八月花 -- 舒服地飲茶

地址: 九龍塘又一城G25店
電話: 2333-0222

星期日去羅浮宮試衫之前去佐八月花飲茶, 我地叫佐個名為心心相印既花茶, 叫佐個雀籠點心, 一個奶黃流沙包, 同一個檸香叉燒酥. 雀龍點心包括水晶鮮蝦餃, 鮑魚滑燒賣, 瑤柱翠苗餃, 黃金蘿蔔酥, 特大鮮蝦露筍春卷和燕窩蛋撻.

但係離晒大譜流沙包食果舊燒賣裏面竟然有大塊骨係度, 好彩無整親啫. 流沙包呢D咁溫文爾雅既人有咩事都唔會追究, 就咁就算. 我就唔係D咁既人, 有問題有不滿我一定會出聲投訴. 於是我叫個經理過黎, 個經理就話free番個點心比我地, 任我地揀咩都得. 但個鮑魚燒賣已經算係最貴果樣點心, 我地求求其其要佐個XO醬炒蘿蔔糕. 呢餐食到好飽~

我投訴完無幾耐, 再有另一個應該係經理既人埋黎再道歉, 同埋解釋番點解會有舊骨係燒賣裏面既可能性. 但講真我做佐廿幾年人飲茶飲過無數次, 從來未試過食燒賣會有舊咁大既骨係裏面囉, 你話係屋村酒樓都算啦, 話晒呢度都算係sell高格調喎...

是次每人消費約$115