我(竟然)去行山呀!!

10月2日, 我竟然同流沙包去佐行山.

事緣係流沙包佢地遲D要帶學生去行山, 所以佢地幾個同事約埋先行一次, 流沙包話今次段路好易行, 問佐我幾次, 所以就試吓同佢行一次山啦~

其實尋日行完大澳之後, 對腳已經好攰, 我都估唔到今日仲有力去行山...

開始上山啦...:

行行吓見到有片空地, 阿sir提議大家圍圈做D熱身運動:

耍埋太極添(好明顯我係得個樣架啦):

繼續行, 黎到將軍澳華人永遠墳場, 原來個view咁正架喎:

 

睇我咁既款就知我已經超攰啦:

睇戰爭遺跡:

 

 

傳說中既"大"鐵環:

呢條路, OMG, 好長呀, 好曬呀~~:

 

 

 

行經見到間有賣"冰凍酸梅湯"既士多, 買支試試先, 好好飲喎! 連平時一向唔飲酸梅湯既我都讚好:

最後一站, 黎到呢間冰室食lunch:

睇個樣都知歷史悠久:

我地今朝由調景嶺地鐵站出發, 最後係油塘站搭車返屋企. 行完山之後對腳前所未有咁攰, 對腳痛到好似比火燒咁, 成晚就只有攤係張床上面, 連想飲水都係大嗌流沙包叫佢斟比我.