九州之旅Day 4(part 2) -- 阿蘇(熊本縣)

2010年4月3日(六)

 

由黑川溫泉揸車前往阿蘇既途中, 我地發現佐一個有趣既地方呀, 果度有好多形狀有趣既園藝作品, 佈滿佐成個山頭.

 

 

仲有D小動物例如鹿, 雞雞之類添喎:

 

仲有好多生果賣:

仲可以試食添喎:

不過我地乜都無買到...

 

去到阿蘇, 要睇既景點有幾個, 分別係米塚, 草千里同埋阿蘇火山(中岳火口).

 

揸車黎真係好方便, 想停車就停車. 係上阿蘇中岳火口既途中會經過草千里同埋米塚架.

 

可惜而家係4月, 如果遲D黎, 應該會見到綠油油既米塚同草千里架.

 

呢個就係米塚啦:

草千里, 係度可以試吓騎馬的:

離遠見到不斷冒煙既阿蘇火山:

未上到阿蘇火山, 心情已經好興奮啦, 因為成世人都未親眼見過活火山麻.

 

睇完米塚同草千里, 我地繼續開車往中岳火口, 之前好鬼驚今日係紅色警報唔比上山.

 

上阿蘇中岳有三個方法, 你可以坐吊車, 往復1,000円.

 

又或者你可以揸車, 使用阿蘇山公園道路, 要比560円"過路費", 抵過你坐吊車上山.

 

第三個方法當然係由阿蘇山西駅行路上去啦, 哈哈, 我見都有唔少人行上去架.

 

上到阿蘇中岳火口啦, yeah~

 

 

 

 

 

 

 

 

不過要提大家一點, 有呼吸道疾病既人士就唔好係山上逗留太耐啦, 因為我係山上一陣, 個喉嚨已經好唔舒服, 不停咁咳.