九州之旅Day 4(part 3) -- 高千穗峽(宮崎縣)

2010年4月3日(六)

離開阿蘇, 我地就揸車開往宮崎縣啦, 因為我要去高千穗峽.

途中見到佢呀:

高千穗峽係阿蘇火山爆發時被流出黎既溶岩所侵蝕而形成既溪谷. 呢個地方係我plan成個九州之旅當中, 其中一個我絕對唔可以捨棄既景點之一. 因為我淨係上網睇相, 就已經覺得非到不可. 而且我知道高千穗峽仲可以租船仔遊覽沿途景色, 好吸引呀!!!

點知黎到高千穗峽, 先知原來早前有落石事故, 基於安全點檢既理由, 租船活動暫時停止, 唔知幾時先會再開.

 

嗚, 我真係好失望呀~~ 我一心係諗住黎撐船仔, 先至係高千穗呢度stay一晚咋麻(因為當初諗住今日黎到可能多人排隊/天氣影響租唔到船仔, 咁我地都可以第二朝一早再黎麻), 早知無船仔撐, 我就唔會stay一晚高千穗, 即刻上別府啦~~~

無辦法啦, 唯有漫步沿途欣賞啦.

 

 

 

 

 

 

 

呢度既名果物係日向夏, 買番杯雪糕試吓先:

呢條就係真名井瀑布啦:

 

 

我地仲好有興致咁行佐陣山, 用佐大半個鐘由高千穗峽行佐去高千穗神社.

 

 

夜神樂既表演場地"神樂殿":

當時有團包佐場, 正係度睇緊夜神樂, 我地係窗口可以偷望到入去:

本來我係plan佐今晚黎睇夜神樂架, 話晒係國指定既重要無形民俗文化財麻. 不過我地裝佐人地表演一陣之後, 決定今晚都係唔黎睇lu.