九州之旅Day 5(part 2) -- 別府地獄 上(大分縣)

2010年4月4日(日)

離開酒店, 我地要去別府既著名景點 -- 別府地獄. 係JR別府站西口可以搭龜之井巴士去, 可以揀既巴士路線都幾多架, 我地搭既係2號路線, 去到海地獄站落車.

別府地獄組合呢度有8地獄, 分別係海地獄, 鬼石坊主地獄, 山地獄, かまど地獄, 鬼山地獄, 白池地獄, 血池地獄同埋龍卷地獄, 由於我地係海地獄站落車, 所以近近地先去佐海地獄.

呢度既地獄可以分開買票入去又得, 買8地獄共通券去晒咁多個又得, 共通券價錢係2,000円.

海地獄呢度既風景真係好靚呀~~

 

 

 

 

 

 

 

 

海地獄呢度仲有個類似溫室既物體, 可以睇到蓮花:

離開海地獄後, 我地去隔離既鬼石坊主地獄.

 

 

日文既坊主可以解做光頭, 呢D一個個由灰色熱泥沸騰起黎而形成既球狀, 似唔似光頭?:

之後我地再過去山地獄.

 

山地獄可能自知唔夠吸引力, 所以裏面仲養佐D動物, 例如河馬, 大象等等.

有人餵緊河馬食薯仔呀, 所以佢掰大個口等:

呢隻大象好可憐, 被困係一個好細既活動範圍裏面:

我地仲發現佐Keroppi呀, 哈哈: