九州之旅Day 5(part 1) -- 別府(大分縣)

2010年4月4日(日)

臨走前係酒店影多兩張相先.

 

呢間酒店住一晚(唔包食), 埋單大約14,000円.

我地揸車由高千穗返阿蘇途中, 經過一個有趣既地方.

 

 

 

呢架"列車"其實係一間餐廳黎架:

係阿蘇既山路上, 我地見到D山頭寸草不生黑忟忟咁, 初初仲諗"陰公囉, 咩有山火呀? 燒到咁既?", 後尾先醒起剛剛3月份舉行佐火文字燒麻, 所以咪燒成咁囉.

去到阿蘇站, 還車前要做一樣野, 就係要去油站入油啦:

當初拎車既時候因為油缸係滿既, 所以還車既時候都要入番滿油.

還佐車之後, 我地就搭JR既九州橫斷特急由阿蘇去別府.

 

呢款九州橫斷特急, 係我地兩日前因為唔記得拎行李而miss既列車黎架, 今日有機會可以搭番:

搭搭吓車有乘務員拎住個印仔周圍行, 我當然要蓋番一個啦:

係車度食之前玩夾公仔機夾番黎既鬆弛熊餅乾條:

經過兩小時既車程, 到達別府啦. 我一直以為別府都算係一個大城市啦, 點知出到車站, 原來係一個鄉下地方喎...

今日咁啱遇上祭典, 可惜我地無時間停留係度慢慢睇呀.

 

 

 

 

 

 

我地先去酒店放低D行李, 因為之前住得太豪, 所以今晚住cheap野, 別府第一酒店, 埋單5,000円有找:

放低行李後我地即刻又再出發啦. 黎到別府, 唔駛問梗係去別府地獄啦.