2010年4月2日(五)
離開大觀峰, 我地就繼續開車去黑川溫泉啦. 我地跟住guide book既提議, 先泊低架車係風之舍, 因為呢度可以免費泊車架. 泊好架車我地就行吓溫泉街勒, 但果條所謂既"溫泉街"真係好鬼難搵, 我地行佐好多冤枉路先至搵到.
風之舍呢度有地圖同埋各間旅館既小冊子可以拎, 而且仲可以係度買埋入湯手形(不過我地無買):
離開大觀峰, 我地就繼續開車去黑川溫泉啦. 我地跟住guide book既提議, 先泊低架車係風之舍, 因為呢度可以免費泊車架. 泊好架車我地就行吓溫泉街勒, 但果條所謂既"溫泉街"真係好鬼難搵, 我地行佐好多冤枉路先至搵到.
風之舍呢度有地圖同埋各間旅館既小冊子可以拎, 而且仲可以係度買埋入湯手形(不過我地無買):
係溫泉街我地都買佐D野呀, 包括有100円既可愛番梘啦, 巨峰提子乾啦, 同埋我仲試佐馬肉薯餅, 不過我覺得幾難食囉...
其實我仲有好多野想買黎食架, 例如泡芙啦, 雪糕夾餅啦, 但係如果再食就無胃口食旅館既dinner架啦, 所以唯有放棄啦.
離開溫泉街我地就揸車去旅館啦, 係GPS輸入佐旅館電話, 當時有D奇怪, 明明睇地圖間旅館係附近架咋喎, 但點解GPS顯示出黎既地點咁遠既...? 我地當時照開車啦, 駛佐十幾廿分鐘, 明明去到GPS所講既位置架啦, 但果度係一塊空地黎架喎, 附近又完全唔見有旅館類既物體囉, 呆佐...
我地係附近兜兜轉轉咁都搵唔到間旅館, 於是去油站問人啦, 油站D人好好呀, 比埋地圖highlight埋條路線教埋我地點樣行, 原來間旅館係頭先風之舍附近架咋, 真係唔可以100%信晒個GPS呀!! 個油站職員話好多客都遇過咁既情況, 明明輸入黑川溫泉既旅館電話, 但個GPS無啦啦會指佐佢地黎呢頭附近.
我地今晚住既旅館原來都幾難搵, 因為唔係喺正溫泉街果度, 係要行小路上山果隻, 比較偏遠架~
我地今晚住既旅館原來都幾難搵, 因為唔係喺正溫泉街果度, 係要行小路上山果隻, 比較偏遠架~
6 則留言:
一定吾可以信晒GPS、要臨機応変亜！ 好似最近東京有新tunnel 開通、我地行緊新tunnel, 不過我家的GPS既画面変来変去、点都show吾到我地響邊度、行緊邊個方向。 不過我地係知道去緊邊、所以無問題。不過去旅行就麻煩lor. 見到icecream幅相、又見到奇怪中文！
[版主回覆06/05/2010 08:46:00]係呀, 所以之後我地係由布院返車站果陣, 個GPS又係顯示佐一個奇怪地方, 果次我地就唔理GPS要靠自己認路啦.
我就係見到雪糕張相有奇怪中文先專登影低佢架, 哈哈.
GPS都唔一定準呀!~..........
[版主回覆06/12/2010 11:25:00]係呀, 受佐呢次教訓後我地學精佐啦~
買泡芙黎做飯得甜品咪得囉！
[版主回覆06/12/2010 11:25:00]唔得呀, 飽到食唔落囉.
如果比我去到只見到一塊空地, 我一定面青!
[版主回覆06/12/2010 11:25:00]好彩我地都有好多地圖係手, 唔怕~~
"入湯手形"咩嚟架
[版主回覆06/22/2010 18:18:00]入湯手形係只要你買佐呢塊牌仔, 就可以係黑川溫泉隨便揀三間旅館(當然要間旅館有join到呢個"plan"先可以啦)既溫泉浸架啦.
入湯手形係只要你買佐呢塊牌仔, 就可以係黑川溫泉隨便揀三間旅館(當然要間旅館有join到呢個"plan"先可以啦)既溫泉浸架啦. >>>咁你住嗰間實無啦, 你那間價錢咁高
[版主回覆07/03/2010 10:23:00]我住果間好似都有架.
其實我住呢間旅館唔算話特別好貴, 只係我BOOK獨立HOUSE先至貴D啫~~
發佈留言