返到黎香港之後, 我完全無睇過香港既低智劇集, 不過都知呢套談情說案係抄神探伽俐略.
早前睇新聞話佢唔止抄神探伽俐略, 原來仲抄埋Mr Brain, 真係夠晒勁呀~
尋晚我一條友係屋企無無聊聊, 於是開電視睇吓佢抄得幾離譜啦, 尋晚果集講到人格障礙, 我第一時間諗:"吓? 唔係又抄Mr Brain呀麻?"
嗱, 唔好比我估中, Karen呢個角色係抄Mr Brain裏面 仲間由紀惠果個角色呀, 唔好連破案方法都抄到十足十呀.
或者等我係度簡單講講Mr Brain裏面, 木村用咩方法去得知仲間係扮緊多重人格去殺人. 當時仲間被人捉佐之後被困係精神病院, 當仲間係"殺人犯"人格果陣, 木村帶佢出走廊, 同仲間講"紅色門係通向隔離病棟, 係禁錮既世界; 藍色門係通向一般病棟, 係通往自由既世界".
之後到仲間變回自己人格, 木村扮放佢出去, 話會係一般病棟既大堂等佢.
黎到呢度, 我諗大家都應該估到, 如果仲間真係順利去到一般病棟, 咁就証明佢根本係扮演緊多重人格. 因為當時木村已經將門上面既牌調轉佐. 仲間變回自己人格既時候, 理應係唔知藍色門係通往一般病棟, 但佢就憑先入為主既感覺走佐往藍色門, 但其實果陣門上面塊牌已經被換成"隔離病棟".
好勒, 講完一大輪, 我唔希望見到無線班垃圾廢柴編劇原來又抄埋Mr Brain既第六集囉...
5 則留言:
香港回帰大陸咁多年、当然学学埋埋大陸果D擘大眼講大話、悪人先告状す既衰野架lah...明係抄作、都有胆話係自己創作！仲要大大声話、天下創作都係類似、無証拠話抄作、仲要反撃人地無中生有、真係不知所謂到極点！！
[版主回覆06/22/2010 18:29:00]但有時大陸都會買佐人地個版權先開版"中國版"; 香港D電視台真係賤到無人有.
可能會發揚光大，不覺得有壞影響 ~~~
其實我覺得要丙應該丙無線班編劇囉，妳對比返D時間，日本剛剛播完Mr Brain無線就開拍談情說案喇，咁好明顯就係班媚日編劇係網上 共享 完人地D劇集就照寫一次交稿。阿家豪哥都係護短心切姐，我就唔信家豪哥抄人日本野呀，佢點會識上網DL人地D劇集睇呀。
[版主回覆06/22/2010 18:29:00]果日唔覺意睇報紙見到林峯話佢地比MR BRAIN更早開拍喎, 真係笑死人.
呢集Mr Brain 我都有睇過呀，幾別出心裁架
但係香港呢套A貨，我真係唔想睇，希望今次唔好比你講中啦…
[版主回覆06/22/2010 18:29:00]哈, 如果咁都比我講中, 無線班人又會比人狂插架啦.
但無理由連抄兩集既橋段掛? 如果係咁 無線班人好去死啦.
呢套劇我未試完整咁去睇一集，因為完全冇興趣！後黎發生左果單炒劇新聞後，反而睇多左小小，睇下佢炒乜？唔通呢個先係佢高收視的原因？
[版主回覆06/22/2010 18:29:00]曲線宣傳, 果然係高招~~
咁都好勁...一套野可以抄咁多唔同劇=.=
[版主回覆06/22/2010 18:29:00]我佩服到五體投地啦~~
發佈留言