因為條白痴做唔到野, 所以有好多本來應該係佢做既野, 而家我要做埋佢果份呀!!! 如果條白痴個位係一個醒D既人黎(都唔好話醒D, 正常人都好), 我同佢阿頭既工作量應該可以減輕好多.
好啦, 乜鬼野佢都做唔掂, 而家佢可以講係公司無野做架啦, 佢而家每日就係下午出去稅局同公司註冊處交文件, 有時朝早幫老細去買咖啡, 或者做埋D無聊野(例如將一疊疊紙全部拆晒口放入櫃呀, 係D公文袋度蓋上公司地址印呀, 執吓公司吉出黎既A4紙箱呀, 寫吓courier form呀, 分吓信呀[但分佐三年都仲係分錯信同埋唔識分囉]…), 其他時間佢就係呆坐係位, 日日都拎住本com sec書係度睇(當然知佢唔係真係睇緊啦), or拎住公司註冊處D小冊子係度睇(上個月見佢已經睇緊呢份, 今日見佢仲係睇緊同一份), 又或者呆望住個mon, 但個mon既畫面係desktop黎架囉, 有時有同事經過佢個位, 佢就扮晒野郁吓個mouse囉…
有一次先搞笑, 說話我地公司既習慣, 係如果你要出街做野既話, 你要貼張紙係個mon寫低你要去邊度. 有一次佢貼佐張紙係個mon準備出街, 但佢仲等緊D文件所以仲坐係個位度未走得. 佢果陣當然又係呆望住個mon啦, 我當時行過佢個位, 佢當然又即刻郁吓個mouse, 但係… 佢個mon已經比張紙遮住佐啦喎, 你郁乜嗱野mouse啫?!!! 真係超低能, 勁搞笑. 佢仲有超多低能白痴野, 不過真係寫唔晒出黎.
我都唔知公司點解仲要留件咁既野係度, 可能老細鍾意有人幫佢買咖啡掛? 喂, 我唔介意逗埋佢份糧, 幫老細買埋咖啡呀!! 個個月七, 八千蚊人工淨係請你返黎買咖啡同呆坐呀? 唔單止係我, 其他同事亦領教過佢唔少野, 都比佢激到啤啤聲. 其實我地公司既同事已經好好, 公司無八婆(最八婆果個可能係我啦)亦唔會講人是非, 但有時大家私底下講開呢位同事, 我地既結論係佢到底係咪智力有問題呢? 否則點解好多好簡單既事佢都做唔好既?
15 則留言:
妳同事真係超級低能兼白痴~~~~~日日對住佢都幾惡頂 ,點解妳老細頂得住嘅,明知佢嘅工作能力係咁???????????????
[版主回覆06/12/2010 11:58:00]呢個問題我都好想知呀~~~!!!!
到底他個post係咩? OA啊? 7~8K人工ger OA?
[版主回覆06/12/2010 11:58:00]佢個POST, 好似係ASSISTANT ACCOUNTANT掛? 唔鬼留意.
哇..... 咁同事都有呀!~ 又懶又無用...!!~
[版主回覆06/12/2010 11:58:00]佢仲有好多白痴野架, 等我得閒再同大家"分享"
喂，你的白痴同事，係咪扮嘢呀﹗
[版主回覆06/12/2010 11:58:00]睇佢個款應該就唔係扮野, 我覺得係真低能.
如果我有個咁既同事，一定血都呕出嚟
你老板 D 忍耐力都好利害
[版主回覆06/12/2010 11:58:00]我嘔佐幾桶血啦.
佢又唔係直接UNDER老細佢地做野, 大老細只會點佢去樓下買咖啡架咋.
我覺得妳的同事是工作不上心, 唔想做, 演( 白痴) !
[版主回覆06/12/2010 11:58:00]如果佢真係演白痴, 咁佢演技真係勁高超囉...
妳呢個同事堅呀，我都覺得佢做戲囉，無理由真係一Ｄ咁簡單既嘢都做到一鑊泡囉～
呢Ｄ人都係遠離少少，費事俾佢激死～
[版主回覆06/12/2010 11:58:00]我無必要都唔會同佢講野架啦, 就算招呼我都唔會同佢打.
對住呢D人真係超嬲 LAW, 佢做D野請個OA做都得LA, 洗咩搵佢姐
[版主回覆06/12/2010 11:58:00]應該係話一個OA都比佢醒目同有貢獻幾百倍.
下…呢d 野，請個OA或者後生d 既「阿姐」都得啦
駛搵佢咩？
[版主回覆06/12/2010 11:58:00]咪係囉, 所以咪慶囉!!!
funny. i guess u work in a small accountin firm and they do audit, tax and com sec here in hk
[版主回覆06/12/2010 11:58:00]係呀, 公司都無叫佢做其他野架啦, 淨係做COM SEC咋麻, 做佐三年, 我估佢連轉股要做D咩佢都唔知囉.
Usually the boss doesn't care about it as long as someone have done the job.
[版主回覆06/12/2010 11:58:00]無錯呀, 你講中晒, 咁咪難為我地要做埋佢果份囉.
原來佢係聰明人, 扮晒蟹......佢有佢生存之道. 算吧 ! 我地係實力派, 學唔到, 又唔識係老闆面前扮野.
[版主回覆06/12/2010 11:58:00]佢真係"極品"呀, 可能係外星生物都唔定.
Hi 你好,
雖然我平時無留言, 但係一直都有睇你的部落格, 支持吓你先!
有同感, 我公司都大把呢d同事!
[版主回覆07/31/2010 20:10:00]THANKS~~ 都唔明點解每間公司都一定有D冗員既存在既...
咁冇用o既人你公司都仲唔炒佢o既?
我日日上百樣o野做一個人做幾個部門o既o野但個老細都係話我 "你都冇乜o野做啫!" 冇乜o野做? 咁點解我腸胃炎冇返一日工佢地就死晒咁不停打電話問我呢樣點做o個樣點搞, 最終都係搞唔掂要我病住返去搞呀呢?
[版主回覆07/31/2010 20:10:00]呢個問題我都超級想知呀, 我估公司唔多唔少都可憐緊佢掛, 佢呢D咁既人材, 如果炒鬼佐佢, 佢應該唔會再搵到工, 可能會做隱青, 可能要拎綜援架啦.
老細係咁架啦, 永遠覺得你應該可以做得更加多, 應該可以OT得更加夜...
聽你咁講佢，我都已經好暈！
[版主回覆10/21/2010 12:58:00]我離開公司既少部份原因都係呢條友仔, 真係無心血再對Q住佢呀!!!
發佈留言