說話我上星期三遞辭職信, 當天我腦細返佐大陸, 於是我將封信放係佢枱面, 然後send個mail話佢知我放佐封resign letter on his desk, 佢mail覆我"Recognized, any particular reason?", 當然我無再覆佢, 我都決定走, 同你講咩理由都嘥氣啦.
今個星期佢返到黎公司, 到下午十二點幾佢臨走先叫我過去傾下, 佢問我係咪決定佐, 我話係, 佢亦無問咩原因, 佢話等遲D請到人你睇下點交接. 然後佢發問第一條低能問題:「你辭職呢單野講佐比邊幾個知呀?」, 挑, 關你X事咩?!! 就算我唔講, 你條粉腸都即刻同我揚晒出去架啦, 舊年係咁, 今年又係咁, 我咪話「幾個囉」. 跟住佢再問第二條超低能問題:「咁上面大陸班人知道未呀?」佢唔問由自可, 佢咁問我真係把幾火. 聽講我上星期三先遞信, 都未講比邊個同事聽, 星期四大陸班人已經打黎問我係咪唔做, 我反問點解佢地咁快會知, 佢地話:「係你老細講架麻, 佢上黎開會」. 條粉腸腦細仲要問我大陸班人知道佐未, 我咪話:「佢地話你講佐比佢地聽呀麻」, 跟住我老細竟然話:「我淨係講佐比Johnny一個人聽咋喎...」, 天呀, 邊有咁Q低能既人架?! 
我都無好氣回應佢:「公司邊度會有秘密架...?!」. 唉, 真係要快D離開呢度, 唔想再對住D低能人. 條粉腸佢舊年結婚炸過我, 但今年輪到我結婚, 我完全無派帖無派餅卡比佢.
9 則留言:
決定左就努力做啦, 十萬個支持
I supported you.
跟呢D BOSS, 証明你既 EQ真係好勁.....
support !!!!!!!!!!!!!!!
小姐~ 對住呢d 老細你應該覺得高興 為你沉悶的工作加添唔少歡樂 年薪少三萬? @o@~ 你睇黎好富貴
哈哈, 你老細可能同我一樣, 不吐不快, 你講晒俾人聽, 佢咪無野同人講囉, 佢咪唔開心囉
accounting firm = audit firm ?
咪咪貓&豆豆龍, Deli Prince, 火燎森: 多謝呀, 我會努力~ 三姑: 佢條友都係上海分公司既棄卒, 係香港人事部知道佢係上海比人玩, 好心叫番佢返黎香港公司做. 聲: 你都識日文, 個market都唔差得去邊哩~~ 不過公司無bonus真係年薪會少幾萬蚊... GG俠: 你唔好成為D咁既上司呀~~ ~孖Lee~孖Lee凶: 佢個公司名係xxx counsulting ltd., 佢個招聘廣告自稱係accounting firm, 上去見工佢就話自己咩都做, taxation, audit, 幫日本人搞簽証等等. 所以我照用番佢個自稱"accounting firm"囉.
不過為佐我既前途, 為佐要成為一個識日文既會計, 第時可以叫價更高, 而家人工低少少, 無所謂啦~~~ ← 先苦後甜!
發佈留言