其實我用佐手提電話差唔多10年, 大家估下我總共用過幾多部電話?? 我相信大家換電話既次數應該多到都未必記得. 但係我好記得喎, 因為... 我10年黎只係用過三部電話, 即係平均3年先轉一部, 勁哩~?!!
記得中學A-level出佐第一部電話, 果陣間公司好似叫1+1, 因為果陣阿媽比錢, 所以出佐部好舊款黑色一舊, 好似係Ericsson既電話, 記得果陣部電話好快無電, 備用時間得十零廿個鐘, 通話時間只得幾個鐘, 每日返去都要叉電.
後尾入佐U, 我就轉佐台去One2Free, join佐佢個學生plan, 改佐電話號碼之餘(果陣都未有攜號碼轉台), 仲買佐部新電話, 型號係Sony Ericsson既T-28, 當時黎講算係最新, 機價我記得好似成三千蚊. 部機一用就用佐差唔多四年, 用到由最新款既電話, 變成最老土既電話, 因為之後個個都用緊彩芒, 和弦鈴聲, 可以上網, 影相既手提電話, 而我仲用緊一部黑白芒, 得普通鈴聲, 一部四年前出品既史前電話. 我果陣拎部電話出黎都要左遮右遮, 講電話果陣就盡量用手或者頭髮遮住, 費事比人睇到我仲用緊部咁舊既電話.
T28
T630
6 則留言:
hahaha !! 下次可能中plasma TV 呢! ps Ｄ相好高質數, 好靚!!
哈, 我用左手提電話都差唔多10年啦, 第一部電話係好靚仔既CDMA機, 不過用左幾個月, 借左比家姐用, 點知佢就整唔見左, 好心痛~ 之後出左部黑"抆抆"既Ericsson T18, 用左2年覺得個款唔掂就換左部幾靚仔既手機(京瓷出既, 唔記得咩型號), 部機用左年零舊電就叉唔到, 又換左部SONY ERIcSSON, 用左3年D制好難按, 所以換左依家用緊呢部PANASONIC VS1, 都用左年幾啦, 都幾好用(我第一部彩芒), D色仲好靚添~ 原來我唔覺唔覺都用過5部機, 平均2年一部~ 二家
我唸我多你好多...女仔係咁ga ma...哈哈 第一部係中四買只係記得係 NEC, 冇蓋, 係銀色有 D CYBER FEEL,第二部係中五Panasonic 白色又係冇蓋, 因為貪佢白色, 那時好少機係白色.....印象中好似出過 motorola既v仔, 後來覺得唔好用, 唔知俾左who了, 出來做野一年後之後出左 NEC有蓋同有得影相, 成$4000, 幾入肉, 過左年幾到之後用左SONY ERICISSION年幾又係冇蓋, 之後又開始有3G, 又走去3仔出左部 LG, 之後都用左年幾佢又開始short short地, 就換左而家呢部 panasonic V.7 我好似都係年幾換一次電話, 舊既都係brother執手尾....哈哈...不過原來我係冇用過 nokia...佢既外形好似唔係好 fit for 女仔, 係好似係 sony ericiission 既 fans wo, 我來緊都想換 sharp or sony ericisson...但都係轉到工先la!!!
10年黎只係用過三部電話 ??? KING !!! over 10 years before, my first one is ERICSSON GH-388
火燎森: 我想要現金多d, 哈哈~~ Daisy, brtspec: 我諗都好難搵人打破到我紀錄... (上年紀人士除外)
三姑: 我諗我算好彩, d電話用2, 3年都無問題唔會壞, 無藉口換電話...
發佈留言