今日下午蛇佐出去間日本公司簽約, 然後放佐工就去上環見工, 呢間係一間accounting company, 佢個post係Japanese coordinator, 之前係job market請人, 我見佢淨係話要識日文, 最好有D taxation既認識, 其他咩野經驗, 學歷都無提要咩要求, 我就即管send信去試下, 約佐今日6點半去見工.
由於我已經有份offer係手, 所以我係抱住上去見識下既心態去見呢份工, 我完全無準備D咩, 連suit都無著就去見工. 去到in我既係一個日本人, 同一個識講日文既香港人, 個日本人好得意, 無咩特別問題要問我, 只係問下我有無去過日本, 點解會搵工, 我公司有無日本人, 識唔識會計… 佢係諗到咩就問咩咁, 好多時都係dead air, 最搞笑係佢無啦啦問我識唔識樂器, 我話識彈琴, 問我學佐幾耐, 考到第幾級. 之後個香港人再入黎, 用日文問我而家既工作內容等等既問題.
之後個日本人出佐去講電話, 個香港人就用廣東話簡介番呢份工既nature, 佢話呢間都係日本公司, D客多數都係D日本公司係大陸開廠, 咁盤數會搵佢地公司睇, 但由於公司D會計人唔識日文, 而成間公司幾廿人, 得四個人左右識日文, 所以要請個識日文既人, 做公司會計人同日本客人既橋樑. 又由於如果你唔真正熟悉accounting, taxation, comp. sec之類既知識, 就算你識日文, 但一涉及專門內容, 又或者要解釋工作流程的話, 你都未必識講. 所以佢地公司會train你要識會計, 稅務, 公司秘書等等. 你會識點樣入數, 點樣做balance sheet, 點樣做文件等等. 佢話當你上手之後, 你就可以代表公司搵客見客… 佢講到好似好多野學, 前途好似一片光明咁. 我話公司咁樣train一個人咪要好多時間, 點解唔調番轉請一個識會計既, 然後train佢日文呢? 佢地話有試過, 但唔得. 所以佢地而家會請個識日文, 然後再train你有關各項會計知識.
之後佢地問我有無問題, 如果我OK的話, 佢地可以即刻打信即刻請我… 我話要考慮下, 因為一切黎得太快啦, 我估唔到佢地竟然話即請架… 如果我唔係有另一份offer係手, 我一定會答應囉. 但呢份job人工無咁高呀. 另外果間日本公司有雙糧有bonus; 但呢間accounting firm, basic salary已經比果間日本公司既offer少大約2K, 都有雙糧, 但就無bonus, 不過好在同樣都係返五日工.
我話要返去考慮下, 佢地就叫我盡快答覆. 我問番個日本人點解問我識唔識樂器, 係咪工作上有需要, 個日本人就話無咩特別, 只係佢自己鍾意音樂喎, 哈哈. 同埋個日本人似乎幾鍾意我咁, 我D日文都係好甩cut, 但佢竟然話我日文好喎. 同埋佢話我好明るい呀~(性格開朗, cheerful咁解), 哈哈我覺得係因為我抱住有工係手, 所以以輕鬆既心情見工, 成個過程我一D都唔緊張, 個心完全無係咁跳, dead air果陣我仲問個日本人係香港住佐幾多年, 覺得香港既食物點樣…
我而家係度15/16, 到底揀邊份工呀??? 我唔考慮兩份工既人工住, 我主要考慮既係兩份工比到我既發展同前途. 其實accounting firm呢份完全係我之前話想轉行做會計, 好想搵到既工作類型. 我知道如果我係度真係學識點做會計, taxation之類, 第時我出去搵工, 人工應該可以叫高更多, 因為我知道識日文既會計應該係好好offer. 而且如果我試過會計既工都係唔適合自己, 出去再搵番D sales co, sales executive既工, 我相信會好易搵到, 因為日本公司多數都係呢兩類job. 但如果我而家推佐呢份accounting firm, 選擇做sales executive, 到我發覺sales executive唔啱自己, 到時就未必可以再搵到一份accounting firm既job.而且我之前成日話要轉行, accounting firm呢份就係我可以轉到行既好機會啦~~
不過我而家要考慮既係, 我星期一in果間日本公司真係幾好人, 我日文講得唔好佢地都肯比機會我請我, 同埋我都已經上去簽佐約(雖然張約其實都無咩效力, 唔返又唔駛賠錢), 反悔既話我就會變佐衰女, 言而無信. 同埋我又唔sure間accounting firm係咪真係佢講得咁美好, 我驚到時呢樣識D, 果樣識D, 結果又係範範都唔精, 同埋驚到最後都只係一個打雜, 做埋D入下數, 聽下電話呢D可有可無既工作.
到底我應該點揀好呀…? 邊一份工對我既前途會有利D呀??
我都無好氣回應佢:「公司邊度會有秘密架...?!」. 唉, 真係要快D離開呢度, 唔想再對住D低能人. 條粉腸佢舊年結婚炸過我, 但今年輪到我結婚, 我完全無派帖無派餅卡比佢.
你請我黎教咩都唔包, 唔負責追學費唔包買書, 咁我搵D學生上自己屋企教都得啦, 我做咩仲要同你對分學生D學費呀!! 我果陣連琴書都要幫學生去買呀! (其實我可以不負責任地寫個書名叫D家長自己去買, 但黎得女青學琴既仔女家長都係D屋村師奶, 咩都唔識, 英文又唔識多個(琴書全部都係英文名), 我當好心幫手買埋)