買佐結婚戒指啦~~

我地十二月尾就過關島行禮, 我知道係時候要買戒指, 因為戒指好多時都要預訂(就算佢有現貨我都希望要全新啦, 我點知佢D現貨比人戴過幾多次), 安全起見, 我覺得三, 四個月前去買定就差唔多.

其實我一直以黎都搵緊買咩牌子好, 我覺得Cartier實在貴佐D, 好似為佐買佢個牌子而買咁, 我覺得唔值囉. 去 Tiffany睇過, D款又少又唔得, sales服務又差. 去過Pink Box同MaBelle睇過, 但都無咩心水, 周生生周大福果D我就更加諗都無諗過.

我為人就比較固執, 買野之前一定要做晒research, 上新婚生活易果度睇人地D評價, 見到Van Cleef & Arpels呢個牌子好似幾好, 未來洪太都話幾好, 於是尋日終於拉佐男友去半島果間度睇.

我地揀佐好耐, 最後我自己揀佐Infini既signature果款$9000, 流沙包揀佐plain果款$6500. 我地兩隻都預訂, 所以只係比佐一半訂金, 可望十二月頭可以拎貨.

好開心, 又了佐件心事~~