星期五去羅浮宮BOOK完婚紗相之後我地去佐又一城既EXP食飯, 食完飯就落金都, 因為我想睇結婚鞋. 我地九點幾先落到去, 有D舖頭都關佐門, 所以都無咩人. 因為我一早就做晒research, 所以目標明確, 去佐B1既甜蜜蜜, 佢地兩公婆好好人, 係咁攞D鞋比我試, 因為我對腳有D異於常人, 生得又橫又肥, 所以著到D肉咇晒出黎, 好肉酸. 本來諗住造對無咩踭既, 因為一來我唔識著高踭鞋, 成世人都未著過高踭既, 二來擺酒果日著咁高應該會好攰. 我試佢一吋踭果D, 著得唔靚, D肉咇得好勁, 同埋個型唔好睇, 著吋半好少少, 但無兩吋咁好睇, 所以最後都揀佐造兩吋高既, 著得好睇D, D肉又無咁咇. 我揀果個款$338, 10月10日可以去攞.
話說我試鞋都試佐大半個鐘, 三心兩意又唔知造幾高好, 又唔知揀咩款好, 我落完訂臨走果陣老闆娘讚流沙包好耐性無脾氣, 係咁讚佢好人, 佢話好多男朋友陪女友試鞋, 會無耐性黑面, 甚至會對女友惡言相向, 所以佢話我老公真係好好人, 哈哈~~ 唔好既我都唔嫁啦~~ 
本來想買埋girdle, 但揀完鞋都已經十點幾, 所以留番星期六再黎過.
除佐婚紗鞋之外, 仲要買多對紅色既褂鞋.
2 則留言:
hi, 我都要去買鞋呀, 果間真係好好架? 係咪平均都要成三百幾蚊一對架?
我其實去買每一樣野之前都會上新婚生活易做晒資料搜集, 睇下人地話邊間好邊間衰先會做決定. 我見好多人都去呢間甜蜜蜜買, 所以唔考慮其他就決定幫襯呢間. 老板娘好專業, 唔駛問我著咩野size就拎d鞋比我試, 我著落又啱size喎. 同埋我腳型唔靚, 佢會知道乜野款式既鞋會著得我好睇d. 其實有d要二百幾蚊就得架啦, 我諗係我個款貴所以要三百幾蚊對... 我見金都果度平均一對都要二百幾蚊.
發佈留言