新鮮熱辣@墨魚燒賣: 1/9/2006

2006年9月30日星期六

公司BODY CHECK

我公司每年都會提供免費body check, 今年檢查既項目比舊年多, 記得舊年果間係尖沙咀東企業廣場, 好似叫萊佛士; 今年轉佐去雅蘭中心既保瑞醫療, 我覺得今年呢間無論邊方面都好過舊年果間, 首先聽講個plan既價錢差唔多, 但保瑞就包多佐好多野, 好似乳房超聲波掃瞄檢查, 大便潛血, 肺量器測試, 腹部X光等等, 舊年都無. 其次舊年果間D staff好唔掂, 感覺唔pro, D人又一腳踢咁; 今年呢間淨係staff都好多個, 抽血既一個, 做心電圖既一個, 照X光既一個, 檢查既係醫生. 同埋D staff pro好多, nice好多, 會同你傾下計, 抽血果個staff會講解番血壓幾多先叫正常, 抽血分別要驗D咩之類. 另外今年呢間既流程好好多, 入到去換佐衫, 好快就幫你照X光, 跟住過去度高磅重抽血, 然後再過隔離做抺片檢查, 再去做心電圖同肺量測試, 感覺一氣呵成D, 唔駛點等. 舊年果間, 先換佐衫去照X光, 然後換番衫出黎坐, 坐一陣先度高磅重做心電圖, 做完又出去坐, 等佐陣先見醫生做抺片測試同抽血. 仲有就係今年呢間既環境都舒服D, 裝修靚D, 舊年果間... 典型診所格局囉...

照乳房超聲波果陣scan到我左胸有粒良性纖維瘤喎, 少於1cm, 知道佐之後好唔開心. 流沙包話良性既唔會有野, 但最好就梗係咩瘤都無啦~~

保瑞醫療有限公司
九龍旺角彌敦道639號雅蘭中心一期9樓936室

Supreme Health Check Plan

General Fitness Examination	Body Height, Weight & BMI Measurement 量度身高、體重及體重指標
體格檢查	Blood Pressure Measurement 量度血壓
	Pulse Rate Measurement 量度脈膊速率
Diabetes Screening	Fasting Blood Glucose 空腹血糖
糖尿病測試	Fasting Blood Glucose 空腹血糖
Coronary Risk & Lipid Profile Tests	Total Cholesterol 總膽固醇
冠心病風險及血脂肪組合測試	HDL Cholesterol 高密度膽固醇
	Chol-HDL Chol Ratio 總及高密度膽固醇比例
	LDL Cholesterol 低密度膽固醇
	VLDL Cholesterol 超低密度膽固醇
	Triglycerides 三酸甘油脂
Blood Disorders Screening	Haemoglobin 血色素
(Anaemia, Leukaemia)	Red Blood Cell Count 紅血球數量
血細胞檢查 (貧血、血癌)	Red Cell Indices 紅血球指數
	White Blood Cell Count 白血球數量
	Differential Count 白血球分類
	Platelet Count 血小板數量
Hepatitis B Tests	HBsAg (Infection & Carrier) 乙型肝炎表面抗原 (感染及帶菌)
乙型肝炎測試	HBsAb (Immunity) 乙型肝炎表面抗體 (免疫力)
Liver Function Tests	Bilirubin - Total, Direct & Indirect 總膽紅素、直接、間接膽紅素
肝功能檢查	Alkaline Phosphatase 鹼性磷酸酵素
	ALT/SGPT 穀丙轉氨酵素
	AST/SGOT 穀草轉氨酵素
	Gamma GT 丙種谷氨酰轉肽酵素
Blood Protein Level Tests	Total Protein 總蛋白
蛋白質測試	Albumin 白蛋白
	Globulin 球蛋白
	A/G Ratio 白蛋白球蛋白比率
Renal Function Tests	Urea 尿素
腎功能檢查	Creatinine 肌酸酐
Electrolytes	Sodium 鈉
電解質	Potassium 鉀
	Chloride 氯
	Bicarbonate 碳酸鹽
Thyroid Function Test	T4 甲狀腺素
甲狀腺功能測試	T4 甲狀腺素
Gout Disease Screening	Uric Acid 尿酸
痛風症檢查	Uric Acid 尿酸
Inflammation Screening	ESR 血沉降率
炎症檢查	ESR 血沉降率
Urine Analysis	Urine Biochemistry 尿液生化檢查
尿液檢查	Urine Glucose 尿糖
	Urine Protein 尿蛋白
	Urine Blood Cells (Red & White Blood Cells) 尿內紅血球、白血球
	Urine Bacteria & Yeasts 尿內細菌及念珠菌
	Urine Crystals 尿內結晶體
Hepatitis A Test	HAV Ab (Immunity) 甲型肝炎抗體 (免疫力)
甲型肝炎測試	HAV Ab (Immunity) 甲型肝炎抗體 (免疫力)
Gastrointestinal Bleeding Screening	Stool Occult Blood 大便潛血
腸道出血檢查	Stool Occult Blood 大便潛血
Tumor Markers	AFP (Liver Cancer) 甲種胎兒蛋白 (肝癌)
癌症指標測試	CEA (Colon Cancer) 癌性胚胎抗原 (結腸癌)
Prostate Cancer Screening	PSA (Male) 前列腺癌抗原 (男士)
前列腺癌檢查	PSA (Male) 前列腺癌抗原 (男士)
Cervical Cancer Screening	Pap Smear (Female) 柏氏癌細胞塗片檢查 (女士)
子宮頸癌檢查	Pap Smear (Female) 柏氏癌細胞塗片檢查 (女士)
Pulmonary Function Test	Spirometry 肺量器測試
肺功能測試	Spirometry 肺量器測試
Cardiology Examination	Electrocardiography (ECG) 心電圖檢查
心臟檢查	Electrocardiography (ECG) 心電圖檢查
Cardiopulmonary Examination	Chest X-Ray 胸肺X光
心肺檢查	Chest X-Ray 胸肺X光
Abdominal Examination	KUB X-Ray (Kidneys, Ureters, Bladder) 腹部X光 (腎臟、輸尿管、膀胱)
腹部檢查	KUB X-Ray (Kidneys, Ureters, Bladder) 腹部X光 (腎臟、輸尿管、膀胱)
Breasts Examination	Ultrasound Examination of Breasts (Female) 乳房超聲波掃瞄檢查 (女士)
乳房檢查	Ultrasound Examination of Breasts (Female) 乳房超聲波掃瞄檢查 (女士)
Blood Group	ABO Blood Group 血型
血型	Rh D Factor 恆河猴因子
Rheumatoid Arthritis Screening	RA Factor 類風濕關節炎因子
類風濕關節炎檢查	RA Factor 類風濕關節炎因子
Medical Report	Comprehensive Health Check Report with 詳盡健康檢查報告連
醫療報告	Doctor's Comment & Suggestion (Bilingual) 醫生註解及建議 (中英對照)
Doctor's Consultation	Full Physical Examination 全面臨床體格檢查
醫生會診	Doctor's Report Interpretation and 醫生臨床解釋報告及
	Conclusive Advice 總括建議

2006年9月28日星期四

2006年9月26日(二)

尋日無啦啦收到CityU打黎既電話, 大致內容係話而家有一個external既scholarships, 可以受埋part-time既玩, 佢話我成績唔錯, 讀BBA BM之前都係CityU讀, 成績亦都好好, 所以諗住推薦我去爭呢個scholarships, 問我有無興趣, 佢話成功既話可以有$5000奬學金(我初初仲以為會有好多添...). 我問佢有咩手續同咩過程, 佢話只要我填佐張form, 然後可能會有D interview, 咁就得啦喎, 所以我即管試下啦~ (但係... 我既死穴就係interview喎, 係我好怕好怕既事, 我成世人未轉過工又唔積極搵工就係因為好怕好怕interview)

張form除佐填個人資料之外, 仲要填:

Extra-curricular Activities/Community Services:
(我唯有填CityU Philharmonic Orchestra-Secretary落去)

Volunteer/Community Services:
(中學去過葵涌醫院做義工既, 但當然唔會填落去啦; 我都有join過社署果個義工計劃, 亦都join過義務工作發展局做義工, 亦都有去醫院apply過做義工, 但係... 我好似無實際做過D咩喎, 所以最後咩都無填到落去)

Academic Distinctions, Scholarships and Prizes received in the past 3 years:
(都好, 我可以填BBA BM Scholarships 04~05同埋05~06)

Non-academic achievements in the past 3 years:
(搵到好老公算唔算? 呢欄又係漏空)

其實最鬼憎填D咁既野, 我做過D咩我自己知咪得, 無野填到落去又太寒酸得濟; 太多野填落去又浮誇扮野得濟. 記得以前讀中學要係手冊度寫底你果年做過D咩服務或幹事, 好似你係社長呀, prefect呀, 班長呀, 做過啦啦隊呀都可以寫落去, 唔同既服務會有唔同既分數, 然後如果你達到指定分數, 好似有D服務奬定乜野會頒番比你, 同埋當你畢業D先生幫你寫評語既時候都有個參考. 但有D人... 幫學校做過下璧報又寫落去, 係open day做過野又寫落去, 唔係呀化? 咁幫先生攞簿要唔要逐次寫埋落去呀?? 好肉酸呀~ 所以最後我寧願咩都唔要, 無交過本手冊去計分.

呢個係CityU send比我既mail:

Hong Kong Association of University Women Undergraduate Scholarships 2006/07

Dear XX,

Having consulted the Programme Leader, we would like to nominate you to the captioned scholarships which also accept part-time female students.
Could you please complete the attached Scholarship Nomination Form and return it together with a recent photo to our office as soon as you can?
Our drop-in box is located outside the General Office (Room G7502, Academic Building). Should there be any queries, please contact me at 3XXX XXXX.

2006年9月26日星期二

2006年9月25日(一)

星期日晚係屋企食飯睇到浸會大學果個校慶特輯, 佢訪問一D有代表性既舊生, 其中一個我覺得幾熟口面, 原來真係我中學同學麥樹堅, 特輯中訪問佢係因為佢係文學上應該攞佐唔少奬, 我之前係報紙都見過報導佢攞奬既新聞. 其實中學果陣就已經知佢文筆好勁, 因為佢作文攞好高分, 阿sir都勁讚佢, 仲會係堂上面讀佢既作文出黎, 佢既文筆真係好好, 所以佢有而家呢個成就, 我都唔覺得意外, 因為佢寫作真係好出色.

其實我知我好多中學同學都好出色, 無論係學術上定事業上, 再睇番自己, 仍然係一事無成, 無talent, 又唔上進, 真係自愧不如... 我覺得身邊好多朋友都梗有D talent, 好似娟娟咁學語言好叻, 我覺得佢無論講邊種語言, 個tone都好好聽; 流沙包唔駛問係一個運動天才; 以前係琴行度做見有D小朋友三年就考到八級琴; 但我就完全搵唔到自己有邊一方面既talent, 或者我只係一個庸才啦~~

雖然咁諗好似好無用, 但我此刻覺得, 暫時為止最大既成就係搵到一個好老公~~ (你地即管笑我啦~)

買佐girdle, 又買佐B9眼睫毛~~

星期六同班friend係尖沙咀食完lunch就落佐金都, 今日既目標係買girdle. 我咁大個人尋晚第一次去金都, 但因為尋晚去到都夜, 所以無咩人. 我今日去到係四點幾, 加埋係星期六既關係, 個商場超多人, 本來計劃結婚以黎我都無咩特別開心特別覺得自己似搞緊結婚, 但入到黎金都見到個個都為結婚而籌備, 熱熱鬧鬧水洩不通咁, 突然先覺得自己似搞緊結婚, 先有果種「我要結婚啦~」既感覺.

入到金都唔理三七廿一上佐2F既大生買girdle先, 去到有個女仔係度揀緊bra, 我入到去話要買girdle, 個女人幫我度完身就拎佐個比我試, 我一個人係無可能著得到, 因為girdle本身又緊, 後面成十個八個扣, 要個sales姐姐幫我先扣到, 但佢話我舊骨頂住, 要著另一個size先得, 試佐上身, 嘩, 真係令人開心~~

個sales姐姐話我本身戴緊既bra唔啱身, 搞到D肉走晒位, 佢拎佐D bra比我試(好彩都係我著開既牌子), 著佐上身之後果然唔同D, 原來我應該著大一個cup添喎, yeah~~ 佢仲教我應該點戴bra, 諗諗下以前讀書淨係教點用white sun gun, 從來都無教女仔點樣戴bra既, 戴一個適合自己既bra真係好緊要, 身型都即刻唔同晒~~

結果我買佐三個bra加一個girdle, 盛惠$1108. 間舖頭生意似乎好好, 當我試緊既時候, 已經有兩個人入黎, 一個買bra, 一個又係買girdle, 到我試完出黎, 又多個女人黎買girdle, 我等佐一陣個sales姐姐先得閒收我錢同開單. 不過我諗應該比新婚生活易班姊妹另外推介既「奇華特」好好多, 佢地話去試身都要係出面排隊排半個鐘, 所以我最後都係揀佐黎金都大生買girdle.

買完girdle順便行佐陣金都, 拎佐D過大禮, 租車同場地佈置既資料同價錢, 又去佐睇下D花球同請帖價格.
買完搭車返元朗約佐流沙包食晚飯, 經過SASA睇下有無B9眼睫毛賣, 因為一眾姊妹都推介MAY'S B9, 但我搵過好多間SASA都無B9呢隻型號, 估唔到今日係元朗廣場間SASA買到, 仲要得番一千零一盒, 終於都買到啦~~

食完飯諗住同流沙包行下D租禮服舖頭, 我地先近近地去佐嫁世堂, 入到去又無咩招呼, D衫又娘又少, 攞佐D資料就走佐. 然後去雅麗睇下, 雖然我已經約佐27號去試衫, 但都想試之前睇下, 同埋順便睇下D新郎禮服. 我地九點幾入到去問佢幾點關門, 個女仔話八點半, 但都叫我地入去睇下, 於是我地去佐睇D新郎禮服先, 流沙包都試佐幾套, 我覺得流沙包著銀色好睇過黑色, 佢膚色已經黑, 再著黑色真係成舊炭咁... 流沙包係試衫果陣無厘正經, 猛咁係度搞笑, 搞到個女仔係咁笑, 仲要話頂佢唔順, 真係... 我諗我地下次再黎個女仔一定認得我地. 佢話29號同10月10號有新貨返, 諗諗下我都係再改改個試衫時間, 等佢有新衫返我先去試.

2006年9月25日星期一

大吉居酒屋 -- 幾抵喎~

地址: 尖沙咀漆咸道南11-15號余人生中心一樓
電話: 2367-7117

星期六約佐大學同學黎呢度食飯, 但我因為朝早要做facial, 所以兩點先到. 去到我見佢地order佐個乜乜沙律, 乜乜豆腐, 兩款乜乜壽司, 一條乜乜魚, 一串雞軟骨, 一個鹽燒蜆, 甜蝦刺身同三文魚刺身, 味道都OK唔錯.
阿SA比我更遲黎, 所以我地再落order, 同埋佢兩點半都last order(有無搞錯, 咁早?) 我地叫佐個帶子沙律手卷, 豬柳炒什菜, 炸雞沙律, 阿伯叫佐個乜乜魚生飯, 同埋多兩串雞軟骨, 另外之前order佐個三文魚芝士卷仲未黎, 我地再催單.

整體上都幾好味, 同埋價錢都唔算好貴, 我地比埋壽星女果份都只係每人$100, 不過張枱坐得人好唔舒服, 頂腳既...

是次每人消費約$85

EXP -- 我最愛三色焦糖布甸~~

地址: 九龍塘又一城UG23號舖
電話: 22658298

星期五去完羅浮宮book影相時間之後, 去佐又一城EXP食晚飯, 去到條人龍都幾長, 不過好快就有位. 我地叫佐個蛋白海鮮炒飯, 一個pizza, 一個茄子小食, 同埋最最重要既三色焦糖布甸.

蛋白海鮮炒飯--好似乾佐D, 同埋無咩料, 有點失望
Pizza--熱辣辣, 好好味
唔知乜乜茄子--個汁好好味, 用黎送飯一流~
三色焦糖布甸--我每次黎都必叫既甜品, 基本上我今晚想黎EXP都係因為佢. D布甸真係好滑好滑, 勁好味~~

是次每人消費約$100

去佐訂造結婚鞋啦~~

星期五去羅浮宮BOOK完婚紗相之後我地去佐又一城既EXP食飯, 食完飯就落金都, 因為我想睇結婚鞋. 我地九點幾先落到去, 有D舖頭都關佐門, 所以都無咩人. 因為我一早就做晒research, 所以目標明確, 去佐B1既甜蜜蜜, 佢地兩公婆好好人, 係咁攞D鞋比我試, 因為我對腳有D異於常人, 生得又橫又肥, 所以著到D肉咇晒出黎, 好肉酸. 本來諗住造對無咩踭既, 因為一來我唔識著高踭鞋, 成世人都未著過高踭既, 二來擺酒果日著咁高應該會好攰. 我試佢一吋踭果D, 著得唔靚, D肉咇得好勁, 同埋個型唔好睇, 著吋半好少少, 但無兩吋咁好睇, 所以最後都揀佐造兩吋高既, 著得好睇D, D肉又無咁咇. 我揀果個款$338, 10月10日可以去攞.

話說我試鞋都試佐大半個鐘, 三心兩意又唔知造幾高好, 又唔知揀咩款好, 我落完訂臨走果陣老闆娘讚流沙包好耐性無脾氣, 係咁讚佢好人, 佢話好多男朋友陪女友試鞋, 會無耐性黑面, 甚至會對女友惡言相向, 所以佢話我老公真係好好人, 哈哈~~ 唔好既我都唔嫁啦~~

本來想買埋girdle, 但揀完鞋都已經十點幾, 所以留番星期六再黎過.

除佐婚紗鞋之外, 仲要買多對紅色既褂鞋.

BOOK佐影婚紗相啦~~

之前因為結婚既問題向流沙包發過下勞騷之後, 忽然間我地都積極佐. 首先我去佐酒樓拎佢送既羅浮宮$3380 coupon, 包括有:

豪華婚紗連頭紗一套
名貴晚裝一套
專業新娘化妝
專業髮型設計連頭飾兩款
多款名貴飾物配襯
新郎攝影黑色禮服全套連BOW-TIE腰封

16X20"油畫布1幅
8X10"相片1張
5X7"相片1張
4X5"相片8張
(不包括底片)
拍攝結婚照40款以上, 選8款

星期五放工後同流沙包去佐九龍塘羅浮宮book影相時間, 我地用張coupon加錢upgrade, 佢最平果個Plan A原價都要$6388, 即係如果我地要upgrade要加$3008. 但係我上網睇過佢個Plan A而家都做緊特價只係四千幾蚊, 但我地用coupon upgrade所以要跟番佢所謂既原價$6388. 表面上好似都慳佐千零蚊, 但係如果唔用coupon join佢四千幾個Plan A, 應該會有野送; 但我地就咩都無得送, 所以到頭來應該只係打個和, 我都已經扮到好唔在乎話唔要upgrade淨係影coupon算數, 但係都博唔到佢送野比我, 淨係話可以係另外曬相果度平D, 激死人, 上網睇人地都會有D offer架麻!! 可能係我功力唔夠深厚啦...

因為我唔想星期六, 日影鬼咁多人, 所以要就番流沙包佢既學校假期先可以黎影, 我地揀佐12月1日影相, 11月19日揀衫.

其實我地入到去羅浮宮, 我地係側邊同個sales傾緊, 隔離就已經係影相既佈景, 我地睇住D新人係度擺post影相, 再諗下自己第時都要擺埋晒D咁既post影相, 我突然間覺得好難頂呀~ 我又唔係生得靚, 所以一向都唔太鍾意影相, 仲要擺晒post影相的話, 我諗起都覺得起雞皮... 我甚至有個衝動想即走唔book影相啦~~~

我地upgrade去既Plan A包括:

豪華新娘婚紗兩套
專業新娘化妝
專業髮型設計連頭飾兩款
多款名貴飾物配襯
新郎禮服一套(黑色)連BOW-TIE腰封
(基本上同我地酒樓送既COUPON內容一樣)

20X24"油畫1幅連相架(C+)
10X12"相片1張
5X7"相片2張
4X5"相片6張
8X12"相片20張連
銀裝系列套裝相簿連相簿盒一套

拍攝彩色結婚照60款以上選20款(奉送選晒底片20款)

而家要努力keep fit同埋努力做facial保養~~

2006年9月23日星期六

返大陸廠開會...

星期三果日要返大陸, 因為上次大陸班人又出錯貨, 所以肥佬老細問我駛唔駛上去同佢地開一次會, 否則佢地餐餐出錯貨之後咁就寫番個report落黎就算, 又無改善又無進步. 雖然我覺得大陸班人做野已經有佢地既「風格」, 我覺得即使開D咩野會都無咩用, 但既然老細開到口, 唔通我say no咩. 由於我一, 二, 四晚都要返學, 星期五又多人過關, 所以我只可以揀星期三上去. 不過返大陸有$100 allowance, 同埋我直接係屋企出發唔返公司, 所以可以遲D先起身, 叫做都有D著數既...

我同採購同事一齊上去, 約佐十點係落馬洲等. 我九點半出門口, 九點七去到元朗大馬路, 等佐陣就有77小巴, 九點十就去到落馬洲, 好快呀~~ 換佐智能身份證之後我第一次返大陸, 今次第一次用e-道, 果然好快好方便. 十點三就過到皇崗, 今次同採購一齊上, 佢call佐架叫做靚小小既7人車, 坐都坐得舒服D. 車程無塞車好暢順, 大約十一點三左右就去到長安. 我地先去華美酒店食飯, 我叫佐個三杯鴨飯, 因為好似好新奇咁, 點知原來只係一碟豉油鴨飯咁樣, D菜仲要係苦既, 食佐兩條就無食. 採購叫佐碟葱油雞飯, 佢D雞皮好黃呀, 同埋仲有D血水, 好似唔多熟咁... 個湯應該勁多味精, 因為我覺得好飲就好飲, 但味道就好強烈. 佢送既生果係西瓜, 但當然我無食到啦, 係大陸我真係唔敢亂食野, 點知呢碟西瓜切佐出黎有幾耐架...

我約佐一點半開會, 食完飯都只係十二點半左右, 不過都過佐廠果邊坐下, 過到去無無聊聊同D人吹下水打下招呼, 佢地又話我瘦佐, SOSO仲話我皮膚靚佐添喎, 哈哈~~ 開個會叫呢個call齊果個, 正式兩點先開始, 三點鐘開完. 本來正常開完會就走得架啦, 點知班人又有貨要出, 於是唯有等佢地出埋單我係上面做完先可以番落黎香港. 由三點鐘一路等到佢地四點三先有單比我, 我嗱嗱臨借老細部電腦黎安排出貨. 本來約佐司機四點半, 點知我快手極都要成五點先走得. 好彩無塞車啫, 大約六點三就返到皇崗, 七點就返到元朗.

本來採購叫我同佢一齊係上面stay一日, 星期四先走, 但叫我住大陸D cheap cheap酒店我真係唔制, 佢地之前住開果間長安國際酒店又鬧鬼喎, 我寧願辛苦D都要即日來回呀~~ 點知上到去採購先話我知佢地而家無住長安國際, 去佐住凱悅. 吓? 係咪真係Hyatt先? 採購話間酒店好靚架喎, 有泳池, 有gym房, 等我下次帶埋泳衣同運動衫先上去過夜啦, 當渡假都好...

返到屋企食飯盒果陣無無聊聊睇下電視, 做緊果套高朋滿座, 完全係一套垃圾, 擺明呢集什麼尋親記係為佐宣傳果個乜鬼大陸樓盤專登拍出黎架啦, 孫中山先生著過的布鞋,族譜只係一張咁既紙?!... oh my god, 咁既低能劇情都諗得出, 好野!! 伍詠薇發白日夢老公包二奶果段仲話自己三從四德, 連貞節牌坊都攞埋... 乜貞節牌坊唔係比D死佐老公既寡婦, 多年都無改嫁, 守寡守婦道到老既先有既咩?? 自己老公生勾勾係度都可以攞貞節牌坊? 唔係化? 唔好玩啦~~ 去讀多兩年書先做編劇啦~~

2006年9月22日星期五

2006年9月16日(六)

星期六完全係日夜顛倒, 訓到下午三點半先起身, 食完個tea同流沙包行佐陣元朗, 諗住物色下結婚鞋, 係元朗廣場又走佐去買Keroppi, 買和菓子玩具同去佐扭蛋, 完全係尋日既翻版. 但我地今日仲去埋冒險樂園玩添, 攞佐五十個coins去掟彩虹, 都幾好運, 我掟佐幾次就掟中佐綠色, 有500票. 我同流沙包就各人都掟中一次黃色, 而紅色就掟中佐N次, 所以呢五十蚊都算掟得「物有所值」架啦~

返到屋企都八點幾, 我提議去游水, 因為天氣都開始轉涼, 落水果下真係好鬼凍. 今日都算無間斷咁係咁游, 無再好似前一兩次咁游一陣就索晒氣要抖一陣, 但始終都係游得好慢, 我仲未掌握到去水果下.

游完水返上樓叮埋上星期飲剩既雞湯同湯渣黎食, 然後hea一陣睇下電視上下網, 十二點左右再落去食糖水. 因為我今日好晏先起身未眼訓, 所以食完糖水就上陣網睇下D結婚既資料, 睇睇下睇到好唔開心, 因為見人地都係四月結婚既都book晒所有野, 但自己就咩都仲未搵仲未book, 其實好擔心. 本來之前都有催過流沙包要做D咩, 但佢個款成日唔緊唔緊咁, 咩都大安旨意, 成日反問返我駛唔駛咁快. 問得多我自己都無癮, 心諗既然流沙包唔急唔緊唔理咁我都唔理啦, 到時迫到埋黎再話之佢死, 但諗諗下如果到時真係咩都安排唔好, 咁我既婚禮就會咁樣糟蹋佐架啦喎?!!! 越諗越唔忿氣, 一路喊一路諗點解自己要咁可憐, 四月結婚到而家都未book影婚紗相, 攝影又未book, 租衫又未試, 流沙包要返工又唔可以隨便請假, 得番星期六日可以去做又一定人多到死… 結果到星期日朝早七點幾先正式訓覺.

2006年9月21日星期四

生活知味 -- 好抵呀~~

地址: 元朗元朗廣場地下1-2號舖
電話: 2442-1113

捱完一個禮拜終於等到星期六, 星期六訓到死佐咁成三點半先起身. 剛剛流沙包做完野返緊黎, 於是我地就踩單車去元朗廣場食tea, 流沙包想食台灣面, 於是我地去佐生活知味. 我叫佐個西多士半份+司華力腸, 沙爹雞柳米線同一杯椰香奶茶. 流沙包叫佐個炸蟹鉗+炸魷魚鬚, 貢丸米線同一杯青蘋果綠茶. 成個餐本來廿二蚊, 週末加兩蚊, 廿四蚊有咁多野食都仲算幾抵. 個沙爹雞柳唔錯, 但原來個司華力腸唔係成條上, 係切開佐一片片, 上得四, 五片左右. 炸蟹鉗有一隻, 炸魷魚鬚就有三條. 整體黎講味道都算唔錯, 價錢又唔貴, 抵食~!!

是次每人消費約$24元

波濤餐廳 Cafe Porto -- 抵食夾大件

地址: 葵涌葵芳新都會廣場1樓133-138號舖
電話: 2410-1109

上星期五係葵芳食飯, 因為想食西餐, 所以諗緊去STAR CAFE定去波濤好, 最後揀佐去波濤. 去到等佐陣就有位, 我地叫佐個二人套餐, 要佐豬肋骨同香芒帶子炒飯, 另外我加多八蚊將餐湯轉做酥皮海皇湯, 同埋加多廿蚊叫佐個薯蓉焗田螺. 個海皇湯都OK多料, 有隻青口, 幾舊蝦, 幾粒魷魚, 幾粒蟹柳. 個薯蓉超抵食, 因為有好多薯蓉, 淨係食晒D薯蓉都覺得飽飽地. 跟住黎佐個飯先, 味道都OK. 等佐好耐先上到個豬肋骨, 一上碟都嚇佐一跳, 因為好大份, 又有薯塊, 結果成餐飯食到好飽. 同埋價錢真係抵, 抵食夾大件~

題外話就係我見隔離枱先過我地入座, 其中一個叫佐個什扒餐, 等佐好耐好耐, 催佐好多次都仲未黎, 佢另外兩個朋友都差唔多食晒咁濟, 而我地就差唔多食晒個飯, 佢個什扒都仲未上. 所以雖然我地個豬肋骨都等佐好耐, 都要催單, 但起碼我地有其他野食緊, 佢就真係坐係度呆等佢個什扒.

同埋呢度D waitress既制服質料都幾薄架喎, 但D waitress裏面無著衫又無打底, 仲要戴個黑色bra, 都睇到晒咁囉...

是次每人消費約$90元

戒指返佐貨啦~~

前幾日Van Cleef & Arpels打黎話剛剛有水shipment返佐黎, 剛剛好有我地訂既戒指款式同size, 於是上個星期五放佐工就落去拎. 但我地完全無諗過刻名刻乜野字好, 本來諗住刻"POTIN & CHLOE 27 DEC 06", 但由於我隻戒指無乜位, 所以只可以刻大約十個字左右, 最後我地決定刻"GUAM 27 DEC 06". 刻名每隻戒指要$300.

之後我話落葵芳, 因為我想睇下D結婚鞋, 之前係新婚生活易聽人講葵涌廣場有間叫甜蜜蜜同金露露既鋪頭有呢D野賣. 去到發覺間甜蜜蜜已經執佐, 仲變佐間賣4仔既舖頭, oh my god!! 之後再試下搵果間金露露, 但因為無鋪頭地址, 所以最後都搵唔到. 唯有搵日去金都睇睇...

結果今日無買衫無買鞋, 但就去佐扭蛋, 買和菓子玩具, 同買佐個Keroppi可愛面具~~ (幾廿歳人都唔化...)

2006年9月14日星期四

我要做賢妻~~

星期六好唔應該咁發佐流沙包脾氣, 可能我想做番少少野作補償, 所以我星期日晚決定親自下廚. 星期日流沙包又出佐去帶隊, 我就落樓下百佳買齊所有材料, 由下午五點係廚房準備, 搞到七點幾流沙包返黎先煮好成餐飯, 以下為大家介紹當晚既三餸一湯, 白飯任裝: (但原則上我係唔識煮飯的, 所以有咩做錯做漏請多多包涵, 如果我有咩錯漏做法, 請不要介意即管糾正我, 咁我先可以有改善有進步架麻~~)

1. 蒜蓉西芹雞柳($20.8)

其實今日諗唔到煮咩餸好, 上網睇佐大少奶個BLOG, 見到XO醬西芹雞柳, 心諗可以試下整喎. 我買晒野返到屋企先發覺原來屋企都無XO醬, 得樽海鮮醬同樽蒜蓉, 本來諗住就整海鮮醬西芹雞柳啦, 開佐個獻出黎, 但聞下陣味覺得唔對路, 根本同個餸都唔夾既, 唔敢搏於是倒佐個獻佢. 到最後求其有咩落咩, 結果就整佐個蒜蓉西芹雞柳, 但出黎既效果比我想像中好喎. 通常我炒菜都會炒到D菜水汪汪淋pat pat咁, 同埋我都唔知炒幾耐先至熟, 成日都炒到過佐籠搞到D菜老晒, 但今次炒完D西芹都總算仲幾嫰綠, 同D蒜蓉味又幾夾, 比我想像中滿意.

材料:
西芹 $7.9
雞柳 $12.9

做法:
a) 將雞柳洗淨切細, 加入糖, 鹽, 生抽各適量調味
b) 將西芹洗淨切細, 拖水
c) 先將雞柳落鑊, 炒至半熟後, 再放入西芹一齊炒
d) 加入少許鹽, 雞粉調味, 上碟, 完成

2. 粟米龍脷柳($29)

我一向都有將報紙雜誌見到啱既食譜剪低, 呢個粟米龍脷柳係我N年前係報紙剪低, 今日拎D食譜出黎研究今晚食乜餸果陣見到就決定整呢樣. 其實我一向都好怕海鮮類, 尤其是生勾勾未死果D, 我掂都唔夠膽掂, 所以我整魚多數都係買銀鱈魚, 上次試過買紅衫魚要戴住手套先夠膽整. 唔知點解我成日整魚都整到好腥咁, 今次呢個龍脷柳都唔例外, 流沙包話要煎之前落D蒜頭, 薑, 葱爆一爆個鑊先, 但我成日都唔記得, 餐餐煮D咩都唔會落葱同蒜頭, 咩都就咁落鑊煮. 況且我係屋企十年先煮一次飯, 屋企買定既蒜頭同薑都乾晒變晒做「標本」. 但我覺得個粟米獻汁出奇地好, 無論味道同質地都似番D樣, 入到口, 我好滿意個獻汁.

材料:
龍利柳 $22.1
忌廉粟米 $5.9
雞蛋 $1

做法:
a) 將龍脷柳洗淨切細, 加適量鹽調味
b) 將龍脷柳落鑊煎
c) 忌廉粟米加入雞蛋, 小半罐開水, 攪勻
d) 龍脷柳煎熟後上碟
e) 將剛才的忌廉粟米倒入鑊中, 加入少許鹽調味, 煮至杰杰地
f) 將忌廉粟米直接倒上龍脷柳面, 完成

3. 香煎豬扒 ($15.9)

諗黎諗去都唔知第三個餸煮咩好, 即管落佐百佳睇睇有咩買先算, 見到D豬扒就決定整豬扒啦. 其實我都唔知點整好, 豬扒可以有好多名堂, 什麼香茅豬扒, 香橙豬扒, 洋葱豬扒... 但我屋企咩調味都無. 本來有支瑞士汁, 但用黎煮豬扒我又驚怪佐D, 見到支蠔油諗住不如用蠔油做個獻, 但又好似唔多match, 結果溝佐個獻出黎都係倒佐無落鑊. 到最後好簡單咁求其用老抽, 生粉, 鹽, 糖同麻油做個獻, 整出黎又幾好食喎~

材料:
急凍無骨豬扒 $15.9

做法:
a) 將豬扒用刀背剁鬆
b) 加入適量鹽, 糖, 生抽調味
c) 將豬扒放入鑊煎
d) 將老抽, 生粉, 鹽, 糖, 麻油, 水各少許做獻汁
e) 豬扒煎熟後, 埋獻, 完成

4. 椰子竹絲雞 ($37)

之前試過煲青紅蘿蔔湯, 冬瓜湯, 粟米魚肚羮, 今次決定試下煲雞湯. 點解買竹絲雞? 因為百佳得番竹絲雞賣, 求其啦... 原來開椰青係咁鬼難, 我仲買佐果D平時食泰國菜飲果D椰青, 而唔係買細細個圓形果D. 我用佐兩把鉸剪兩把刀去開個椰青, 好鬼硬, 好辛苦先開到一個窿仔, 勉強塞隻匙羮入去刮D肉出黎, 救命~~ 同埋D湯好多油呀, 我一路煲一路將D油「筆」出黎, 係咪因為我無將隻雞拖水先呢??

材料:
竹絲雞 $26.9
椰青 $5.5
粟米兩枝 $4.6

做法:
a) 將雞洗淨, 切開雞翼, 雞脾, 剪去腳趾(其實我都唔知係咪咁做)
b) 洗淨粟米
c) 開半煲水燒滾, 將雞, 粟米放入
d) 破開椰青, 椰子水留用, 將椰子肉刮出
e) 將椰子肉及椰子水放入湯中
f) 慢火煲, 完成

我煮既份量係預多佐, 可以每人都帶到飯聽日食. 今次餐飯我比自己60分, 合格多少少啦~

同場加映 -- 煮完餐飯後七國咁亂既廚房:

2006年9月13日星期三

2006年9月9日(六) -- 對唔住哩...

星期六發佐流沙包脾氣, 佢一朝早就出佐去做野, 佢話下午場波三點半開始, 我預計五點打完, 等埋班0靚妹沖涼約五點半, 開一個鐘頭會開到七點左右都應該搞掂啦掛?? 我七點幾打比佢, 佢話今日有好多意外同阻滯, 所以都遲佐開波. 佢話而家先去緊沙田, 又問我食佐飯未, 我以為佢同班0靚妹一齊去食飯, 因為我以為佢應承佐唔同班0靚妹食飯返黎陪我食, 咁應該打完波開埋會就可以走, 點解仲要落沙田既?? 於是我唔開心, 諗諗下又有D嬲, 佢成日義務性質咁出佐去又帶隊又教波, 對住班0靚妹多過對住我啦... 於是嬲嬲地唔聽佢電話, 一來唔開心啦, 二來如果我聽佢電話既話我一定又講埋D衰野, 我唔想係電話度同佢表達不滿, 所以索性唔聽電話. 最後流沙包成十點幾先返到黎, 我唔理佢扮訓覺, 佢當然好有耐性咁氹番我向我解釋一番, 原來佢已經盡快搭的士趕返黎, 又無正式食過野, 聽完之後我都有少少內疚, 因為我自己衰唔聽佢電話, 搞到佢要係沙田飛的返黎. 我知其實流沙包都好忙好辛苦的, 我唔體諒不特止, 仲發脾氣... 睇黎我咁多年黎原來D乞人憎性格都係無改變, 我點先可以EQ高番少少同埋學識做到善解人意呢??

詠藜園楊家菜(蔡瀾美食坊) -- 水準麻麻, 有D好食有D難食

地址: 紅磡黃埔花園黃埔新天地第八期102及105號舖
電話: 2320-6430

星期五果日比班白痴搞到好唔開心, 流沙包知道之後即刻同我落紅磡食飯, 我地搭269B去到紅磡碼頭落, 我無啦啦話不如去漁人碼頭, 於是我地行佐幾個字先行到過去, 過到去發覺只係個好冷清無咩野食既商場, 於是好傻瓜咁搭的士去返蔡瀾美食坊食飯, 最後去佐詠藜園(其實詠藜園楊家菜, 同隔離門面光鮮D既詠藜園有咩分別呢?), 我地叫佐個改良版擔擔面, 九肚pizza, 芝麻骨, 小湯包同雞絲春卷.

擔擔面--話晒招牌菜, 唔會唔好食掛?
九肚pizza--幾特別, 我覺得好似係煎蠔餅咁, 但佢用既係九肚魚唔係蠔仔, 熱辣辣好好味, 賣相又靚
芝麻骨--好淡, 唔好食
雞絲春卷--不知所謂, 料又少, 味道又唔得, 從來未食過咁差既春卷
小湯包--唔錯, 幾好食

我覺得佢地應該改善下個餐牌囉, 又霉又殘, 我揭黎揭去都搵唔到飯/面類既?? 唔通呢度無飯食? 但擔擔面呢? 點解menu度無既? 然後我裝下隔離枱, 佢地又係揭緊menu, 我先知原來我手上既menu係缺頁既, 即刻問個waitress點解無佐飯面果版, 佢都唔醒水, 仲好大聲咁話有, 然後又拎住個menu想揭比我睇. 阿姐呀, 我問得你緊係我揭均都無先問你啫, 係醒目既你即刻換過本新既比我啦... 同埋menu裏面最好有多D相睇下囉, 有時睇完個餸菜名, 都唔知究竟係咩黎既, 又無解釋, 又無英文翻譯可以參考下.

是次每人消費約$90元

食完飯我地行佐陣吉之島, 仲去佐食Haagen-Dazs. 本來心情好番D, 但食食下雪糕收到WH既電話, 心知不妙, 心諗D貨又遲佐仲未到? 點知原來仲衰, 大陸班白痴又送錯貨, TSP既貨送佐箱SAGAMI落黎, 搞到成批貨又出唔到啦, 個個月都出錯貨, 正PK黎架~~!! 流沙包見我又唔開心盡力開解我, 我又B LI BA LA咁呻一輪, 好彩就算做野幾唔如意幾唔開心幾惡頂都有流沙包係身邊平衡下~~~

2006年9月11日星期一

公司養廢人!!

等佐好耐好耐, 今日終於出晒summer term既成績:

Accounting for managerial decision making A+
Managing organizational behaviour A+

Overall GPA: 3.9

但唔知點解我無咩開心既感覺, 因為成績好又唔代表出到黎做野會搵到高薪厚職. 其實呢排係公事上有D唔開心(正確D講係度做咁耐根本都無開心過), 事緣係有一日我收到個同事既mail, 佢問我可唔可以share佢部份工作, 因為佢負責既野越黎越多, 其實我都知佢好忙, 晚晚都OT到八九點. 佢話好想同老細講, 但佢知佢地都無能為力(個日本人太忙, 而個PK死肥佬就無能), 所以想問佐我意見先, 因為佢知道如果佢同死肥佬講, 條PK就一定會搵我.

我唔開心既原因唔係因為我會多佐野做, 呢個同事同我都熟, 見佢日日咁忙我幫下手唔係問題. 問題係: 我係公司完全係一個打雜囉, 邊個有起咩事上黎都會關我事既? 大肚個同事請病假成個星期唔返又係我一個人自己死頂晒佢所有既jobs... 總之好似係其他同事有咩野要搵人幫手都係我去頂. 我係呢度比人既感覺真係咁清閒咁隨時stand-by咁既咩?? 我感覺到自己既地位好低微, 所以我好唔開心, 更加更加想快D離開呢度, 唔想再係度做埋晒D無需技能無需專長, 阿豬阿狗中五畢業既都識得做既job.

其次係上星期五無啦啦收到駐廠日本人既mail:

お世話様です。
事務所からメール流すだけでなく、少しは工場へ来て担当者と確認、調整、打ち合わせしたらいかがですか？
現場に来てコミニュケーションも必要です。あなたも以前はＴＭＨ採用であることを忘れないでください。

事緣係我一向都會於工場出貨前一日提醒佢地出貨當天應承過出乜野貨, 如果出唔到要預先通知我, 等我可以盡快通知個客. 點知今朝無啦啦收到一個咁既e-mail, 大致內容係話淨係send mail係唔足夠, 要我親自上工場開下會同負責人溝通下, 本來呢D內容都無乜野(雖然我知即使我日日上去開會都好, 大陸班PK出唔到貨就係出唔到貨, 開會黎都無用, 白痴!). 最谷氣係佢最後果句「唔好唔記得你以前都係TMH既僱員」, 呢句先令我眼火爆. 話說我公司係香港有兩間分公司, 一間叫TMH, 一間就係而家我係尖沙咀做緊呢間, 2年前TMH要搬上大陸, 所以TMH既員工有部份就跟埋間廠上佐大陸做野, 一部份就轉佐黎尖沙咀既公司, 但其實都係under同一間日本總公司. 佢果句什麼「唔好唔記得你以前都係TMH既僱員」話比我知原來呢個日本人都係痴痴地, 一來TMH已經執佐兩年啦, 二來我而家已經係尖沙咀既人啦, 三來佢地上面班PK加人工加咁多, 又唔見念下我係前TMH人都一樣加咁多比我?!! 四來佢地上面班人搞食飯從來有無叫過我去食呀(雖然佢地請到我都唔會到)?!! 有麻煩事果陣就話你係TMH人, 有著數果陣又唔見佢當我係TMH人?!!! 正一XYZ&^%$@##!!! 同埋唔駛問, 大陸班PK一定係日本人面前唔知篤我咩背脊啦, 將出唔切貨既責任推係我身上啦!! 否則個白痴日本人點會無啦啦出個咁既mail. 班白痴無腦架, 今日送貨落黎香港成日要求今日飛, 係啦公司就黎買架專機隨時等你地幾時落貨黎香港就可以即刻飛啦, 低能!! 唔駛問大陸班PK肯定賴我安排唔到飛機所以D貨遲佐比客啦!!! 成班正廢物黎架!! 出唔到貨又唔預先通知, 問佢地又推三推四, 問原因又餐餐都係品質問題, 覆完D納期又永遠跟唔到, 成班都係垃圾!!! 另外個個月都出錯貨, 唔係錯數量就係錯品名一係錯part#. 日日對住班淨係識卸膊, 自己做錯野就將責任推比人, 賴呢樣賴果樣, 做佐幾廿年都無進步, 日日返工遊雲等出糧, 放工就賴死呃OT又做唔到野出黎, 白痴無腦低能既PK, 我日日嘔幾桶血~~!

我之前辭職成日話想轉field, 唔想再做我而家呢類工作, 我果陣就唔知自己究竟想做咩. 而家我知道啦, 我想轉去做EC & FINANCE, 或者係ACCOUNTING, 我要成為專業人員呀~!! 可能我而家先起步實在遲佐D, 但我覺得總好過日日做埋晒D無聊野, 對住班低能既, 再係咁落去我既競爭力會越黎越低, 到時人工年年加越黎越高, 年紀越黎越大, 但所謂既工作經驗就根本唔值錢, 到時公司嫌你人工太高炒佐你, 我唔想到三, 四十歳先比人淘汰. 星期一上果堂financial systems, markets and instruments, 個阿sir係SHK做唔知乜野director, 佢有三個master係手, 但佢既1st degree係BU讀chemistry(唔知同民民係咪同學呢?), 然後做佐四年IT, 之後先轉做finance. 佢話佢見過好多三, 四十歳既男人, 只係搵緊萬二, 三蚊一個月, 但都比公司淘汰, 因為佢地本身個career唔好(其中一個例子話係道亨銀行做teller喎). 我唔想好似佢地咁, 過多十年八年後比人淘汰呀~~