我轉型做C9之後, 對於價錢呢D野就更加敏感.
我通常買野都係去PK, 因為成日試過被收多佐錢, 所以我而家買完野一定會即時check單. 我發覺超市有時真係好老土, 我試過"被呃"既例子有:
1. (試過N次) 好多時佢個label標明某個價錢, 但比錢之後發覺佢收貴佐囉... 我知可能係佢D價錢牌未update得切, 或者電腦未改得切. 但如果唔check單, 咪白白比貴佐?
2. (又唔只試過一次) 有時同一樣貨會分別放係兩個不同位置(唔係附近, 唔係同一個貨架的), 明明件貨一樣, 但價錢係會唔同架囉... 比錢後check單發覺佢收佐貴果個價錢, 我同個收銀講, 有時D職員去番貨架check價錢check唔到平果個, 反而問番我件貨係邊度拎...
3. (最近中佐兩次招, 好激氣) 有兩件唔同牌子既貨, 明明右面件貨下面個價錢牌係$10, 左面件貨下面個價錢牌係$8, 於是我就拎左面$8果件貨啦, 點知比錢果陣佢收佐我$10, 於是我比完錢之後入番超市, check清楚個價錢牌啦. 我先發覺佢件貨同個價錢牌對調佐囉... 真係好鬼老土架, 原來左面件貨下面$8個價錢牌跟本就唔係呢個牌子, 真正$10果個價錢牌放佐係隔離囉(有次仲離譜, 件貨既真正價錢牌係放佐係隔離再隔離再隔離件貨果度囉)!!! 或者你會問係咪其他客無手尾擺亂佐呀? 我可以答你絕對唔係囉, 因為貨架埋面D貨都係照咁樣擺法架~ 我覺得真係超級老土囉, 趁人睇少兩眼就呃人買佐件貴貨!!! 下次真係要價錢牌上逐隻字睇清楚, 再對比埋手上件貨既牌子, 重量, 名稱先好比錢呀!!!
其他老土野包括:
1. 個價錢牌成日雞乸咁大隻字寫住破底價, 但個價錢根本無平過囉...
2. 所謂既特價, 只係平時"正價"時特登標高個價錢, 所謂既"特價"只不過係回復番佢正常既價錢囉...
3. 有D特價野, 價錢都唔算平, 但"特價"果陣, 只係平佐一毫子咁大把囉...
最近最激氣既野:
就係個焗爐囉, PK買要$402, 點知實惠賣緊$299咋!!!!! 豈有此理, 下次我會格清楚價先買, 總之而家超市D野越黎越貴, 有時反而7仔萬寧果D仲會平D囉...
2010年9月14日星期二
超市陰濕掠水?
訂閱：
發佈留言 (Atom)
7 則留言:
真係變成 C 9 仔喎 ! d 超市好狗賊, 星期五六日扮特價, 其實仲貴過平時. 又成日話買2packs 平d, 食唔晒呀大佬 ! 行超市你係唔多覺地, 順便執下又買埋佢的心理下, 賺大錢. $$$$$$ ........ 仲知佢地係 9 9 9.
如果行埋d葯房仲平到嚇死你, PK超市d 厠紙$36.9 (已叫破底價), 葯房$29. TEMPO 24packs tissue 好似$21-23, 洗頭水, 洗潔精, 牙膏, ...洗潔用品. 比任何超市都平15%以上. 你入左貨未 ?
[版主回覆09/19/2010 17:54:00]唉, 藥房要行好遠先有呀, 百佳我樓下就有一間, 有時懶得行, 係百佳買就算.
藥房真係平d 架…
同埋我阿頭話零食係萬寧最平囉…真係講都唔信
[版主回覆09/19/2010 17:54:00]係呀, 有時萬寧益力多真係好鬼平架, 哈哈
哈哈,學做C9第一步就係要識格價!!!!一日時間流流長,大把時間慢慢格到最抵啦~~
[版主回覆09/19/2010 17:54:00]得閒要上吓C9web.com格吓價先~~
真係要周圍看清楚呀！ 現在超市什麼也貴！我也好少去超市買了！如果不是一定要立即要，也不會去超市買！(PK在我家樓下) 有時去街市，去葯房D東西比佢還便宜幾蚊至十幾蚊添呀！ 超市的價錢真的要看清楚，不過萬X那些也是要看清，我昨天看見一個好好笑的！因為件貨品，一件賣9.9元，一盒有四支賣55.9元！ 是不是好好笑！我問朋友，朋友說個盒要錢！所以貴點！ 所以大家也要看清楚！
[版主回覆09/19/2010 17:54:00]係囉, 我都係PK係屋企樓下, 但藥房要行好遠呀...
我每次都會睇清楚, 貴左的, 有時我話唔要ka, 唔係佢話收我貴個價, 我就會比, 我唔會ka
[版主回覆09/19/2010 17:54:00]我而家會好小心對價錢架啦, 應該唔會再比人呃到, 哈哈~~
基本上藥房d野係平過任何一間連鎖店.
[版主回覆09/19/2010 17:54:00]我無正式格過價, 但有時我見屋企附近D藥房又唔係平好多喎, 格價真係好煩呀!
要價錢牌上逐隻字睇清楚 , 再對比埋手上件貨既牌子 , 重量 , 名稱 <<<------ 我會咁做 架 , 哈哈！
[版主回覆10/19/2010 11:51:00]我"學精"佐啦, 我而家係一定一定會睇清楚架!!
發佈留言