dummy last day@HK office

我地公司逢親有人last day, 都會買西餅請大家食. 雖然我唔係resign, 但都算係0係香港office既最後一日, 所以我都有準備請大家食野.

不過我唔想咁普通又係買美心/聖安娜既西餅(雖然我屋企仲有好多餅卡), 所以諗佐好耐到底買咩請大家食好, 諗佐好耐先諗到不如買cupcake, 於是上個星期五專登去訂佐40個, $20/個, total $800.

間cupcake shop叫Cake-A-Licious, 係中環擺花街11號LG層. 本來諗住拎完搭兩個站電車返公司, 點知... 唉, 間shop真係痴痴地, 我都唔知點解個盒要咁QQQQQ大盒, 真係痴乸線, 個盒大成咁, 完全上唔到電車啦, 於是焗住由中環擺花街行番落上環.

　　

　

盒野咁X大, 沿途D人見到我都即刻讓開, 同埋吸引到好多途人既注目囉. 我覺得間野都唔知係咪專登整D咁X大既盒, 等D人拎走既時候可以吸引途人目光, 以收宣傳之效.

但說實在, 拎住盒咁大既野由中環行返上環, 天氣又熱, 拎到我隻手痺晒, 而且睇唔到前面既路, 真係驚仆X死. 真係拎到我火都黎, 好慶呀!!! 白痴架, 我下次唔會再去幫襯架啦~ (因為真係好慶, 所以請原諒我用字比較粗俗)

拎到返公司, 同事都驚奇點解個盒可以大成咁, 就算我揸車去拎, 個咁大既盒都唔知放唔放得入後座, 真係低能!!

講番個味道, D同事話個士多啤梨味好甜, 而我就食過朱古力(相中第二排)同埋朱古力香蕉味(相中第四排), 我覺得味道就一般啦, 同埋我覺得個款真係唔太似cupcake囉, 我唔太推介呢間shop.

順帶一提, 呢間shop都係外國店員, 無人識講中文架, 去到請用英文與店員交談.