去完羅浮宮就係自由活動既時間, 我地即刻去老佛爺La Fayette同春天百貨睇睇, 因為春天百貨無LV, 所以我地最後都係集中火力係老佛爺睇就算. 導遊話巴黎6月24日開始大減價, 可惜我地黎到巴黎已經係7月, 我見好多牌子都有半價, 如MIU MIU, PRADA, GUCCI, YSL等等, 但係淨番果D特價款就... 半價咁平我真係好想買幾個手袋返黎架, 但係我一個減價袋都買唔落手囉, 如果早D黎到巴黎就好啦~~
結果我買佐D完全無減價既野, 包括兩個LV袋(一個自己, 一個幫人買), 一條LV披肩, 一條Gucci披肩(送比阿媽), 同埋一個Gucci袋(比自己).
本來仲想睇埋衫同埋鞋, 不過無時間啦, 百貨公司夠鐘關門. shopping完我地先係百貨公司附近食飯, 左揀右揀, 終於揀佐間光線無咁昏暗既入內.
呢間餐廳仲有唔同languages既menu添架, 不過睇唔慣D中文翻譯, 都係睇番英文算.
我地叫佐藍貝餐, 包薯條同一杯啤酒, 無記錯個set好似€15, 另外我地仲叫佐個熱狗同埋brownie.
條熱狗好長呀:
呢餐埋單好似€28左右, 又唔係好貴咋喎, 同埋D野都幾好食, 我覺得呢餐抵架~
同埋個waiter都靚仔好人, 唔錯唔錯~~
沒有留言:
發佈留言