發記海鮮酒家 -- 布袋澳食海鮮: 好普通

地址: 西貢清水灣布袋澳碼頭7號A舖
電話: 2719 9129

上星期二係觀塘出job, 咁啱流沙包去完遊船河係西貢上岸, 於是成班friend就決定一齊入布袋澳食飯.

本來上次我班中大同學仔都提議過黎布袋澳食飯, 不過最後改佐去第二度食. 好彩上次班同學無黎布袋澳食飯咋, 真係山長水又遠. 我地已經自己揸車入去架啦, 由西貢碼頭入去都要半粒鐘.

 

 

 

 

 

 

講真, 我覺得呢餐海鮮一D特別都無, 唔見得好好食. 可能我係三聖同流浮山都成日食海鮮啦, 我反而覺得三聖/流浮山既海鮮仲好食囉. 布袋澳呢餐海鮮真係超普通, 極其量比鯉魚門好少少囉. (鯉魚門同日本客去食, 預佐唔好食兼比人掠到一頸血架啦)

如果你打算黎布袋澳食海鮮, 我真係建議你不如入屯門三聖/元朗流浮山食好過, 起碼交通方便好多, 可以搭西鐵.

 

 

 

 

 

 

 

 

 

是次消費每人約$230.