2009年8月23日(日) -- part 2: 吉祥寺, 新宿

行完深大寺我地再搭巴士去吉祥寺, 吉祥寺而家只係一個地方名, 去到你係搵唔到一間叫吉祥寺既寺院.

 

 

 

可能我已經好攰無咩心情行, 所以我覺得吉祥寺呢個地方無咩特別.

 

途中見到有個人賣緊小食, 好鬼多人排隊買, 於是我地又買黎試吓, 係一舊類似朱古力蛋糕既物體, 都幾好食架喎.

好搞笑既包裝:

 

跟住我地就搭車返新宿啦, 尋日食佐咖喱飯, 今朝食佐SOBA, 所以今晚食壽司.

 

 

我地求其入佐間迴轉壽司店, 好鬼死多講國語既遊客幫襯, 我見侍應掛0係身既名牌, 原來連個女侍應都係中國人黎架.

 

呢間舖頭既壽司我覺得一般啦, 我地叫佐12碟, 埋單2,002円.

 

 

食完飯梗係唔少得去夾公仔啦, 我最鍾意玩夾公仔機, 不過太多年無玩過(我係香港絕對唔會玩果D明知呃人既夾公仔機囉), D skill已經荒廢晒.

 

次次玩親我都實奉獻至少2,000円出黎, 我諗我份糧將會用晒黎夾公仔囉. 真係好彩屋企同公司附近無機舖咋, 否則真係破產囉.

 

今日既收穫如下: