2009年8月17日(一) -- 出發往日本啦~

今日我搭早上10點35分既機飛日本成田機場, 同行既仲有香港office既所長, 我阿頭, 同埋一個日本人經理, 3個人陪我過去, 我都覺得有D唔好意思.

今日既lunch, 我要佐chicken:

想順帶一提, 國泰D服務我覺得越黎越唔得, D空姐唔多親切, 又無咩笑容.

去到日本海關, 比我撞到中國女排隊, 唔知我係咪同佢地同一班機呢? 王一梅就正正排係我前面, 仲有李娟, 教練蔡斌等人.

我離遠偷影架咋:

出佐機場我地首先去我住既地方, 果個地方叫押上, 我地無搭SKYLINER果D, 只係搭京成線, 搭佐個幾鐘先到, 成程車仲要企… 嗚, 好攰呀~

轉車既地方:

 

去到押上啦, 時間已經係7點幾:

原來我住既地方真係好近車站, 一出車站就見到:

 

呢度唔駛用鎖匙, 全部都係輸入密碼就可以進出, 都算方便.

不過麻, 間房真係好細呀, 一眼睇晒, 我香港間睡房都係差唔多大…

去到放低佐自己既行李, 跟住就再出發往公司, 有人黎車站接我地, 我先跟日本同事返佐office先, 我阿頭佢地就去佐公司附近既酒店check-in放低D行李先.

然後等阿頭佢地check-in完我地就同日本大老細一齊食飯, 呢餐真係好豐富, 飽到行唔郁咁濟.

因為一開始我唔係幾好意思影相, 所以頭果幾道菜無影到相, 差唔多食到臨尾我見氣氛都幾好, 先敢拎部相機出黎影.

 

食完餐飯都差唔多十點幾, 我就自己一個人搭車返宿舍啦~~