新鮮熱辣@墨魚燒賣: 1/8/2009

2009年8月31日星期一

2009年8月29日(六) -- 淺草寺: part 2 (內有不雅照片, 不喜勿進)

行完淺草寺就去食飯, 呢間餐廳係我0係日本既飯堂, 以前黎home stay靠佢; 而家黎研修都係靠佢:

一個人食飯, 呢個飯好好味架, 只係299円咋:

其實本來想淨係食個299円既飯就算, 但又好似好寒酸咁, 於是叫多個雞翼, 都係299円咋:

入夜lu, 臨走之前影多幾張相先:

無意中見到有間Monchhichi既專賣店:

今日仲去佐100円店行佐陣, 買佐D野返黎, 有D係買黎送比人, 電筒果D就係驚地震果陣都可以睇到路逃亡:

開估: 淺草世界館, 原來係鹹片戲院, 哈哈~:

2009年8月29日(六) -- 淺草寺: part 1

今日去佐淺草寺, 去到先發覺原來今日係一年一度既淺草祭: 森巴嘉年華, 一出車站已經多人到爆.

人山人海, 舉步難行:

今日帶佐小花一齊出街, 影番張相先:

朱古力香蕉呀, 好想買黎食, 但係一個人食實飽屎:

都係搵D細細件既, 一個人都食得晒, 我試佐芝麻味既炸紅豆包, 140円:

跟住行吓淺草寺附近, 試佐鯛焼き(たいやき), 我揀佐芝士味, 160円:

本來仲有好多其他野想試, 例如炒面, 燒墨魚丸, 刨冰等等, 但係得我一個人, 實食唔晒啦, 所以最後都係無買黎食.

淺草世界館同淺草新劇場, 估吓係咩黎既(下一篇BLOG開估):

行吓行吓, 唔經唔覺已經五點半啦, 個嘉年華已經接近尾聲:

2009年8月30日星期日

2009年8月28日(五) -- 平凡的一天

今日同佐女同事出去食飯, 我地去佐一間好鬼靚既日式餐廳食, D女侍應個個著晒和服架(係傳統和服, 唔係浴衣)~

好緊張呀, 唔知食D咩呢? (因為我同事一早預約好, 所以我都唔知到底食咩):

嘩, 好靚好精緻呀~~ 個天婦羅勁好食呀, 脆到好似薯片咁, 食落嗦嗦聲架:

今晚返屋企玩煮飯仔, 因為間屋太細啦, 要煮飯先要將個喼褪番出黎先有位煮:

睇吓間屋亂到... D野都唔知擺邊好:

電視前面既位超亂, 連洗碗既海綿都可以放0係度, 包米就放佐係牆角:

2009年8月29日星期六

今日放工後全公司去佐附近既餐廳舉行歡送迎會, 歡迎方面係因為我黎佐日本研修半年, 同埋日本office仲黎佐個新既女同事; 歡送方面係有個日本同事黎緊9月會転勤去我地香港office做野(好似交換人質咁), 所以今晚公司就搞佐呢個party啦.

party主要係飲み放題, 然後中間有D小食食吓咁. D日本同事狂飲酒, red wine, 啤酒, 燒酎... 0係日本, 如果唔識飲酒既人應該都算係怪物, 都唔知點解個個都咁飲得. 我事前已經放晒風聲話我飲佐酒會皮膚敏感架啦, 但係呢D場合點都一定要飲少少, 加上社長就坐係我隔離, 佢猛咁叫我試吓燒酎, 於是我都飲佐少少, 好彩社長淨係叫我いっき啤酒, 無叫我いっき燒酎.

今晚既party好開心, D同事好鬼nice, 有D同事唔介意我日文論論盡盡, 好有耐性咁同我傾計. 社長原來好搞笑, 我仲以為佢份人好嚴肅既添~

酒精含量25%既燒酎:

其實我想問吓, 日本人係咪唔多識影相既呢? 有D相好矇:

2009年8月25日(二) -- 放工後落橫濱

流沙包今日返佐香港啦, 我就放工後即刻落橫濱.

我搭京急線去到橫濱站, 再轉みなとならい線去到元町・中華街落車, 原來由銀座去橫濱中華街都只係一小時左右架咋喎~ 都好方便.

今日有住家飯食, 好味好味~~

2009年8月24日(一) -- 又要返工啦... 放工後去佐涉谷食拉面

話咁快就完佐個weekend, 又要返工啦... 今日仲要八點半前返到公司添喎, 因為逢星期一有朝礼, 係日本公司既"傳統", 即係全公司既人企晒係度講吓野, 然後每個星期會有同事負責講3分鐘既speech, 話題自定. 所以雖然我返工搭地鐵只需要半小時左右, 但我今日六點半就起佐身, 然後八點就返到公司.

今日我要負責做講speech果個, 我主要都係自我介紹吓, 講得唔流利, 唔知D同事明唔明我講咩. 不過總算無驚無險咁應付佐.

今日lunch唔駛食飯團啦, 因為有同事叫我出去食飯, 今日同佐3個男同事出去食, 其中兩個係負責教我做野的. 高級D果個仲請我食飯添喎, ご馳走様でした。最衰出去食飯果陣太怱忙, 唔記得帶相機, 所以無相睇lu.

今日放佐工後同流沙包去佐涉谷, 我地今日食拉麵, 我叫佐碗普通既醬油拉麵, 流沙包果碗叫つけ面, 好好食架.