2007年4月16日(一) -- 第一日返新工~~

今日第一日返新工, 地點係上環, 最開心係我終於可以返九點啦, 想當年第一份工返八點, 之後返八點半, 而家終於可以一嘗返九點既滋味

. 呢間公司大約三十人左右, 名義上呢度係兩間公司, 因為我地會幫D客做數同埋做audit, 為免角色衝突, 所以名義上分佐兩間公司, 一間做accounting, 連埋會做taxation, comp sec等等; 另一間就負責做audit.

呢度既老細係一個日本人, 然後有一個香港人經理, 兩個都好nice好好人. Lunch香港人經理請我出去食飯(日本人老細都仲未返), 佢講佐好多野比我聽. 原來日本人老細係mix, 媽媽係日本人, 爸爸係菲律賓人, 然後佢爸爸本身都係mix, 我唔記得佐好似係西班牙定又有D中國定邊度. 日本人老細係日本出世無耐就去佐外國, 好似大學都係外國讀, 跟住返番日本, 所以日文同英文都一樣好. 跟住日本公司派佢黎香港搞分公司, 到而家已經有十幾年勒. 香港人經理就係PolyU讀翻譯, 又學過日文, 跟住入佐Big4做taxation做佐3年, 然後就過檔佐而家公司, 佢同日本人老細兩個人一手一腳創立而家呢間香港分公司, 由最初得幾丁友發展到而家公司有三十幾人(雖然都係細公司).

我今日既工作主要係上午睇下文件, 下午就跟同事去佐灣仔稅務大樓內既商業登記處同金鐘既公司註冊處. 我既title係Japanese coordinator, 我地既clients主要都係一D小型既日本公司, 有D甚至係香港註佐冊但0係香港無office無staff既日本分公司, 由於我地既clients都係一D細公司, 佢地唔會有自己既accounting department, 所以盤數會搵我地公司幫佢地做, 我地公司會提供埋一條龍服務, 會做埋company secretary, 做埋taxation, 幫日本人apply visa, 甚至乎佢地公司有咩問題, 如letter of credit既問題, 需要翻譯服務, 我地都會幫佢地解決. 所以老細話我黎緊咩都要學, accounting, taxation, company secretary之類全部都要識, 因為我要熟習整個運作流程我先可以清楚解釋比D日本客知. 我覺得呢份工應該幾有挑戰性, 同埋學既野比較實用D, 對我前途幫助會大D. 我既目標係兩年後學識全盤會計, 學識點樣幫公司報稅, 點様成立一間limited company等等, 然後可以跳出去搵一份20K以上既工作, 努力呀!!! 朝著識日文既會計呢個目標進發!!~~ (我終於搵到我工作上既目標啦, 唔再好似幾個月前咁仲渾渾噩噩=>詳情, 好開心~~)