話說4月4日係我期待以久既last day, 本來到4月3日條低能腦細都未交待邊個接手我既job, 我當然唔會走去問, 你唔交待唔安排我咪「pat」低晒所有野話走就走囉, 話之你.
點知3號果朝早有個同事問我今日咩時間得閒, 可以既話交低D野比佢跟手, 我反問:「下? 要你跟呀?」. 我覺得佢都好慘, 好似部門中有咩豬頭骨都要佢啃咁, 本來我諗住咩都唔理泵低晒一走了之架麻, 但呢個同事平時都幫我唔少, 我都唔想我走佐之後佢跟我D野會嗱手唔成世, 於是今日真係的起心肝處理番D後事, 正一PK老細黎架, 咩都唔交待, 咩都係由同事通傳, 做野又「笠囉」, 日後有機會一定將佢D低能野係度「公諸於世」!!! 我last day, 佢條粉腸連bye bye, 祝福都無句; 其他同事收到我個goodbye e-mail起碼都會reply番我講D祝福說話之類呀...
由於admin阿姐佢4號放假, 所以3號已經計埋D糧比我, 呢個admin阿姐又係公司經典, 做佐咁多年, 成日都做錯野, 計錯我糧, 好彩我心水清, 否則白白蝕佐幾千蚊比公司. 我07年4月4日last day, 佢可以係其中一個日子打佐做06年, 係第二個日子打錯佐做May, 真係服佐佢!!
本來糧都計埋, 4號果日真係唔返工都得, 不過費事做衰自己, 於是返公司hea佐成日, 真係無聊. 同同事吹下水, 影下相, delete埋D e-mail之類…
我自己個位:公司環境(其中四份之一):
公司正門:
公司pantry:
10 則留言:
如果俾我, 我會唔捨得, 一定cry到成個豬頭咁, 都咁多年有感情的 ma!!!
你個位著灰色外套個同事,好似我好久之前一個舊同事,不過我唔記得佢叫咩名,個英文名好似"O"字頭
間公司都幾大wo 祝你有個新的開始, 未來工作順利 就黎結婚,緊張嗎???
好耐冇來探妳了 , 祝妳事事順利 !!!
你間公司真係大... ~~ 羨慕~~
恭喜妳呀... 終於離開咗, 不過妳公司總比我公司好得多了, 我在三月尾都last day了, 鬆了一口氣
三姑: 我已經做到由有些少感情變到亳無感情了. 小綠: 唔係呀, 佢唔係O字頭架~ 咪咪貓&豆豆龍, 聲: 我公司百零人, 話大唔大, 話細唔細咁啦. BOBO: 多謝你呀. 維珍娜: 你公司簡直係變態架啦...
小姐姐,你要明白,打錯糧有時係不小心, 有時係專登. 係大陸更常見,唔係d人(特別係後者)點cap水呀.
Martian: 你好呀! 係呀我以前做果間TDK係海港城. 你朋友叫咩名呀? 睇下我識唔識~
你公司好大呀...而家咁難揾工...做嘜唔做呀
[版主回覆11/26/2009 19:06:00]呵呵, 呢份工已經係兩年幾前既事囉; 當時我係搵到而家呢份工先辭職既~~ 無前途就要離開, 唔想係舊公司虛度光陰麻~~
發佈留言