2007年4月4日星期三
點解!!! 點解張帖寄出佐對方會收唔到!!!????
呢幾日打比D朋友, 話如果佢地結婚果日會黎打麻雀就約埋阿邊個邊個(因為平時約麻雀聯誼都係由我負責聯絡, 所以佢地互相都無對方電話), 講講下個friend問我幾時寄帖比佢. 吓!!? 我一早寄出佐啦喎, 收唔到?? check清楚?? 點解會咁架...? 於是即刻打比所有朋友問清楚收唔收到帖, 我大約寄佐十張帖出去, 原來有兩個friends收唔到張帖!!! 百份比係20%!!!! 點解會咁架? 之前聽人講寄帖最好係出面用個普通信封入住先再寄, 因為如果你寄去私人住宅都還好D, 如果你寄去公屋, 哼哼, D人見到你果封信係喜帖的話, 會偷走喎, 因為裏面會有餅卡同利是麻. 我仲以為無咁猖狂呀? 同埋我張帖都係普通紫色信封而已, 信封面都無寫住"囍"字呢類字眼, 似生日卡咋喎, 咁都會比人偷?? 有無咁賤呀!!! 流沙包寄失都無咁蝕呀, 我咁就蝕佐兩張餅卡同兩封利是啦, 偷信果D正賤人黎架!!!
訂閱：
發佈留言 (Atom)
5 則留言:
, 偷人d請帖, 咁衰, 咁冇品. 果d人偷食左人地d餅,鬼唔望佢肚痛呀
無錯,真係要用普通信封包住黎寄架...安全好多架~~
其實一向寄失率都唔低的, 加上可能佢d屋企人幫佢收左佢唔知姐
咪咪貓&豆豆龍: 係囉, 火都黎呀!!! 吳家吳居: 我無諗過d人真係咁架麻!!! 豬豬俠: 流沙包d朋友又收到喎(可能佢地唔係住公屋啦~~)
係喎...d人一見係喜帖...就貪字出哂黎
[版主回覆11/26/2009 19:08:00]唉, 其實一張餅卡一封利是值幾多錢呀, d人咁都偷, 同做賊有咩分別啫...?!!
發佈留言