今日同經理及另一位同事上大陸, 去東莞一個客既廠度, 呢間公司搵我地做數, 我地當然要佢地公司既文件啦, 例如invoice, receipts等等, 除佐文件之外, 亦要了解清楚公司既運作, 再決定盤數應該點樣做. 例如今次呢個客, 我地要拆開兩盤帳黎做.
去到個客到, 其實我只係坐係側邊聽, 主要都係經理同個客溝通, 我有好多野都未識未明, 例如accounting既野, 一D會計用既日文technical terms… 我諗我要係呢方面下苦功.
上午主要係搞佢地有關香港office既文件, 之後我地去佐一間酒店既日本料理食放題, 每人$98(個客請啦~), 我諗係大陸黎講算係好貴. 不過D野幾好食喎, 有D菜色我係香港都無試過. 有D甚至唔識點食, 係個客教我地點樣食, 哈哈, 好大鄉里呀~~~ 呢個客好勁, 識得普通話架, 仲好流利添喎, 我真係自愧不如…
食完飯又返番個客間廠, 下午主要係搞佢地關於大陸廠既文件, 我地由上午十點去到個客到, 到下午四點先搞清楚D文件, 返到香港大約五, 六點啦~
4 則留言:
返左幾日工, 就要返上去?? 我自己就好怕, 我成日覺得我上左去好難返到來
三姑: 其實我又唔介意返大陸呀. 成日坐係office都好悶架麻~~
新工咁快上大陸啊~ .其實我都怕遲d 有機會上大陸... 會好唔習慣 囧
聲: 其實我又唔介意返大陸, 成日坐office都好悶架麻.
發佈留言