2006年3月20日(一) 終於訂佐酒樓啦~~

因為訂唔到翠亨村, 所以今日放工去佐聘珍樓睇睇, 點知4月8日呢日都一樣係有人落佐訂了, 正當我心灰意冷之際, ANATA話原來4月7日都可以(不過呢日唔夠4月8日好), 佢即刻打電話返屋企問, 4月7日確定佐OK無問題. 原本4月7日都有人HOLD住佐, 但係果對新人過佐限期都未落訂, 所以我地即場落訂, 要佐4月7日呢日. 我同ANATA都好開心, 因為4月7日係星期六, 仲好哩~~ 而家暫定18~20圍, 落佐$9000訂. 咁0岩今日有人擺酒, 我地仲可以睇埋個場既佈置係點樣, 感覺都唔錯, 不過我始終都係覺得細佐少少, 同埋D柱遮住佐幾張?, 但唔緊要啦, 因為我上網睇過新婚生活易果個留言廣場, 聘珍樓既口碑係幾好, 聽講D野係幾好食, 希望到時大家都可以開開心心啦~~