2006年3月2日(四) 好灰...

唉, 我覺得我就黎唔擺得幾耐... 我條腰一向都會痛架啦, 呢個星期痛都仲嚴重, 由朝痛到晚, 我已經盡量lunch食完飯落去行下散下步, 但一坐低就又痛過, 好辛苦, 好想放大假, 因為唔知點解我坐第二D?好地地無痛得咁犀利, 硬係一坐落公司張?就開始痛, 痛到放工. 之前照完磁力共振有結果, check到我脊骨係軟骨退化, 再加上我條脊骨係彎佐少少, 所以都可能是我腰痛的原因. 醫生話而家醫學界都未搵到軟骨退化既原因, 但估計應該係遺傳既問題喎... 呢D問題遺傳到我呢一代算啦, 我成身淨係遺傳佐D差既野, 好既野又遺傳唔到, 所以為佐人類既進化著想, 我覺得我唔生BB係明智既.

除佐腰痛之外, 我隻手(手腕)同個膞頭都好痛啦, 我覺得係職業病啦, 每一日都不停地大量入data, 兩隻手都要成日重覆某個動作. 上星期超級忙, 有日入數入到隻手已經發唔到力, 拳頭都握唔實, 感覺到有D寒意係手腕?面滲出黎咁, 我都唔識形容啦, 總之就好痛啦~~ 咩話, 間唔中要休息下?? 有時忙到飛起恨不得有多幾雙手呀, 忙起上黎我連飲水去toilet既時間都無, 邊有時間休息?!! 我有個同事開始會成日請假, 因為佢有佐要成日去做檢查, 佢放假D野都會PASS比我做. 我真係好想放下大假, 否則日日咁腰痛手痛真係好折磨, 我而家每日返工都要靠撒隆巴斯同安美露做人... 真係好驚遲早會變做因病厭世跳樓既人, 寫寫下呢篇日記真係寫到想喊, 好辛苦...