係咁既, 尋日我喺屋企, 房門後面本來放咗D野, 唔知點解無啦啦跌咗出黎, 咁啱整到我隻腳.
果一刻我好似發咗癲咁, 即刻拎起件野, 唔係將佢放番係原位, 而係重重咁將佢掟落地發洩, 期間對住呢件死物勁講粗口同咆哮喪叫, 掟咗落地之後, 我再大力踢多兩腳, 好鬼死火滾.
三秒後, 我係度諗:"我仲咩咁躁既? 呀, 係喎就黎M到喇喎". 唔知點解, 每次M到之前, 脾氣會極度暴躁, 我唔係專登令自己情緒低落架喎, 而係好多時只係發生小小事(好似上文提到咁), 成個人就會好似電線短路/突然HANG咗機咁, 突然間會變得好忟憎爆晒粗咁. 然後事後先反問自己"做咩咁躁既?", 再睇番D日子, 發覺都係D就快M到既日子.
好似我尋日剛剛發完癲, 今日就M到勒. 我知情緒係會受賀爾蒙影響, 但有無人好似我咁影響會咁大架? 我成日覺得呢個我唔係本來果個我, 點解我會發咁大脾氣架? 除咗發脾四之外, 我仲會成日亂諗野, 真係好討厭咁樣既自己.
到底我係咪應該睇吓醫生呢?
2010年12月17日星期五
狂躁發作
訂閱：
發佈留言 (Atom)
5 則留言:
U比M期既影響都好大wor... 去看婦科都好既。順便検査埋、安心！
[版主回覆12/21/2010 12:08:00]最衰上次去家計會檢查果陣又唔記得問吓醫生
我都係咁架！ m到前一日和即日，我的心情就會波動得好大！可以為小事發脾氣，可以好小事而唔開心！ 但一靜下心就會想自己怎麼了？就估到應該m就快到！ 可能好多女性也是這樣的…
[版主回覆12/21/2010 12:08:00]而家流沙包見我唔好老脾, 都會問我係咪就黎M到
係呀,係呀,我都係咁gar,除此之外,m前嗰幾日全身都感到水腫,總覺得成身擁腫,感覺著乜都唔靚而唔開心到抑鬱
[版主回覆12/21/2010 12:08:00]會水腫添呀? 都真係令人幾忟
我個個月都唔同款架…所以好難用咁去估，要計數數住先得
情緒都有少少，不過唔嚴重
[版主回覆12/21/2010 12:08:00]你就好啦~ 我覺得自己越黎越嚴重呀~
其實我都有, 但係我就係係M到前次次都同男朋友嘈交, 後來係男朋友同我講, 話我次次M到前一個星期都同佢嘈交, 發現左之後就自己收歛左D啦, 咁就冇事LU!其實自己係控制到架
[版主回覆12/21/2010 12:08:00]我自己好難控制到呀, 成日搞到好似嬲咗成村人咁, 但真係無辦法可以令自己開心番.
發佈留言