12月8日, 去咗聽門票勁被炒起既久石讓音樂會. 
真係超正, 好好聽, 勁精彩, 讚呀!!
龍貓, 天空之城, 風之谷, 魔女宅急便, 崖上的波兒, 千與千尋既配樂都有, 當然仲有好多其他非動畫配樂既動聽作品.
不過奇怪既係, 之前明明話兩場音樂會既門票爆滿, $150飛炒到去千五蚊兩張, 但現場所見, 全場至於有廿個以上既吉位, 有D吉位仲係四連位, 甚至係六連位喎, 有無攪錯? D人係買咗飛唔記得咗黎, 定係咩原因唔黎呢? 難為我識好多人想聽都買唔到飛, 但我就係現場見到咁多吉位...
少少遺憾就係天空之城果段, 個小號出現失誤囉, 我自己就聽到至少兩下係走咗音, 真係O咗咀...
雖然有少少美中不足, 但都無損呢場音樂會既精彩度, 最後差唔多全場起立拍爛手掌~
突然間有少少想學番琴添, 流沙包你買個鋼琴比我吖, 最多我教你彈啦~~ 哈哈~~
2010年12月12日星期日
久石讓音樂會
訂閱：
發佈留言 (Atom)
3 則留言:
嘩,有得同老公去睇音樂會,曬死人啦 我本來都諗住去睇,點知到我知有得買時就冇飛lor....
[版主回覆12/15/2010 14:41:00]係呀, 聽講話一公開發售唔夠十分鐘就爆滿啦.
可能被人炒賣的人拿著，還剩一些賣不出，但又賺夠錢，賣不出也算吧！ 想聽的人又賣不到，不想聽的人就買咁多拿去賣……唉
[版主回覆12/15/2010 14:41:00]如果真係咁, 果D正一賤人囉...
我都有衝動學返琴丫~ haha!!!
[版主回覆12/15/2010 14:41:00]係呀, 以前細個學只係為咗考試升級, 都唔係真正享受過程同音樂...
發佈留言