點解D日本人咁鍾意跳火車軌自殺..?

唔係話日本人既性格係唔想帶到麻煩比人既咩? 點解佢地喺選擇結束生命既時候, 卻選擇一種影響廣泛既自殺方法呢?

黎佐日本只係幾個月, 但就成日聽到好多"人身事故"發生, 令到火車班次延誤.

尋日放工搭車返屋企, "終於"遇到一次人身事故係影響到我, 本來我搭果班電車係去成田, 但因為人身事故既關係, 只係去到押上. 而班車就去到每一個站都停好耐先再開車, 車上既乘客有D等得唔耐煩, 都紛紛落車搭其他交通工具.

而我就喺車上繼續等啦, 因為好彩架車去到押上咋, 正正就係我屋企果個站, 否則睇怕都要左轉右轉先可以返到屋企. 

但係一去到押上站, 嘩, 個月台勁多人囉...

我明白日本真係非常不景氣, 通縮, 失業等問題, 令到好多人都自尋短見, 但係明天會更好麻, 希望大家都能咬緊牙關, 唔好成日都聽到有"人身事故"發生啦~

 

好多職員係度: