星期五, 對自己好少少~~

之前日日食微波爐食品, 真係就黎食到人都顛. 便當都食到厭, 唔想再食.

見係星期五, 銀包又有D錢剩, 於是放佐工後去松屋百貨既食品部睇吓有咩買黎做今晚既晚餐.

係食品部兜佐幾個圈都唔知買咩好, 煎炸野睇見都怕怕; 1,000円以上既便當我食唔起; 壽司未有特價唔捨得買; 鰻魚又無咩興趣; 最後買佐一舊銀鱈魚, 返屋企再煮個飯.

大家估吓呢丁屎咁大舊既銀鱈魚要幾多錢?:

其實我由細到大都唔鍾意食魚, 我唔鍾意魚既腥味, 所以有D勁腥既魚我一定唔會食(泥鯭我一定唔食, 鱔我都好少會食, 淡水魚我都少食); 而且我好怕"lun"魚骨, 所以又多骨, D骨又細條既魚我又係唔會食.

但當然都有例外, 刺身我會食; 另外就係勁鍾意食銀鱈魚, 因為一D都唔腥, 有D仲好鬼甜添, 所以雖然呢舊銀鱈魚賣成787円, 但咁耐無食過, 見週未就對自己好少少啦~

同場加映, 我公司附近既黃葉:

 

我同事話呢D樹叫いちょう(漢字係"銀杏"?), 秋天時樹葉會變黃, 馬路既兩旁開滿晒黃葉, 都幾靚架~