我覺得自己學習日文方面有個好嚴重既盲點.
日文本身有漢字, 好多時睇到漢字就即刻可以照字面去解; 而讀佐日文咁多年, 漢字既音讀我當然知, 例如"整腸"呢個字咁, 就算無真正學過呢個字點讀, 但係我知"整"字係せい, 腸字係ちょう, 於是我知道整腸既讀音應該係"せいちょう".
但問題係, 如果一開始我睇唔到漢字, 淨係聽到個讀音"せいちょう", 我就無辦法知道"せいちょう"到底係D乜呀??
好似今朝睇電視咁, 聽到個音"はんざい", oh, 呢個音好鬼熟呀, 我係識架!! 但係諗黎諗去都諗唔起點解, "はん"我即時諗到既漢字係"反", "ざい"我即時諗到既漢字係"経済"個"済", 吓? "はんざい"我諗到出黎既字係"反済"? 咩呀??
然後我諗佐好耐, 先諗到"はんざい"既漢字咪係"犯罪"囉... 唉, "犯罪"呢個漢字, 我一睇就識得讀啦; 但係調番轉, 我聽到"はんざい"呢個音就唔能夠即刻聯到去"犯罪". 最離譜既係, "はんざい"呢個word, 我上個月同同事吹水果陣, 個同事曾經講過, 而我果時又係唔能夠即刻諗起呢個音係咩意思, 要同事再花唇舌解譯"はんざい"呢個word係咩意思... 唉, 點解呀? 我個腦係咪裝草架...? 我到底有無好好用心記住架? 我到底要聽多幾多次"はんざい" 先可以即刻諗得到係"犯罪"既意思呀?!!!
而我第二個盲點, 就係我聽到個音後, 要先浮現出個音既漢字, 然後我再由漢字去得出個音係咩意思. 用番"はんざい"做例子, 當我聽到"はんざい"呢個音, 個腦要先諗呢個音既漢字係乜呢? 諗到個漢字係"犯罪"之後, 我先可以由漢字果度得出"はんざい"呢個音係咩意思, 過程轉折, 所以我聽完人地講野後, 成日要慢三拍先理解到對方講緊咩, 因為我個腦仲係度搜尋緊個漢字. 我唔能夠即時一聽到"はんざい"呢個音, 個腦唔需要浮現出漢字 就可以即刻理解到係講緊"crime"呢個意思.
唉...
唉...
19 則留言:
可能中文係我地既母語關係啦！
[版主回覆12/07/2009 20:48:00]嗚, 有時見D鬼佬講日本講到勒勒聲, 真係覺得自己好無用呀...
加油呀!!!你一定得嘅
[版主回覆12/07/2009 20:48:00]唉, 我都唔知要用多幾多時間先可以講得出一D正常既日文...
hi , 你好,
偶然看到你所寫, 我都係好似你咁有同樣問題, 我諗自己個腦係唔識轉灣,慢幾拍掛 ...T^T
[版主回覆12/07/2009 20:48:00]有時真係好忟自己呀, 明明學過晒架麻!!!
我都係時候學下啦。比你嚇到有d驚tim。死啦會吾會學成年都聽吾明一段正常速度的日文呢
[版主回覆12/07/2009 21:15:00]又唔好比我嚇驚, 我係先天不足, 資質有問題啫...
我就一聽到人講日文個腦就會走去放假。
[版主回覆12/08/2009 11:28:00]你都好呀, 我個腦會hang機呀...
其實真係要聽多啲同講多啲,而且漢字唔止1個發音,就算日本人自己好多都唔曉,so take it easy!頑張ってね！
[版主回覆12/08/2009 11:28:00]嗚, 但係學佐咁多年都係咁既level, 唔知幾時先會升呢...
哈哈！唔緊要，不用怕！因我都係咁！
[版主回覆12/08/2009 11:28:00]我怕d同事就黎頂我唔順, 黎佐日本幾個月都仲係咁既款...
其實日文係你既外語,咁就一定係要比d時間load返d漢字出黎架喇~~
加油呀~~你同同事都溝通到~都好叻~
[版主回覆12/08/2009 11:28:00]唉, 同d同事, 講唔夠幾句就要用筆談弊呢...
我學左成十年，都係非常之差，差到唔敢同人講我學過日文…好灰……
[版主回覆12/08/2009 11:28:00]我只會同人講" 簡單日文的話, 我都識既..." , 勁灰...
ME2...見到漢字就即刻明D,但ONLY聽的話, 就會唸唔起係咩字..唉~~~ 枉讀左咁多年...POOR! >_<
[版主回覆12/08/2009 21:53:00]唉, 唯有再努力D, 聽多D講多D, 除此之外都唔知有咩方法...
我估學語言都係咁架啦, 我正在學法文, 明明在家聽CD練listening又背生字詞又背語法架啦, 返到學校老師問問題我就呆咗個腦空白晒... 但啲同學又明白答到喎~
[版主回覆12/10/2009 11:22:00]你好勁呀, 學緊法文~~
我地一齊努力啦~~~ !!
我同你一樣都有呢個問題...好似背生字咁, 比個漢字的, 我寫個音會容d寫到, 但倒番轉..就諗極都諗唔到...我都個得自己好屎...! 唉...點算呢?
[版主回覆12/10/2009 11:22:00]係呀, 我覺得中國人學日文, 識漢字好似比鬼佬有優勢, 但其實另一方面就令自己個腦唔識轉彎咁...
Practice makes perfect. You will do it.
[版主回覆12/10/2009 11:22:00]thanks~~ 我要努力d至得~
加油呀!!
[版主回覆12/11/2009 11:32:00]thanks!! 我而家無再個個星期出發去旅行lu, 留番係屋企溫習~
星期二就考法文校內升級試,要讀多個level先可以考初級公開試, 不過就算有幸可以升級, 都未必會再報, 因為依家的工作下下都要八九點都未必收得工, 不過如果搵到返五日的就會繼續讀囉~ 啲老細呀阿哥阿姐唔鍾意我地啲做細o既讀書架, 成日專登整啲嘢等你返唔到學...
大家一齊努力!
[版主回覆12/13/2009 14:39:00]咁老土既, 驚D做細既爬佢地頭呀? 定係因為要返學唔OT覺得你唔勤力?? 真係變態...
我都有咁o既問題
[版主回覆12/13/2009 14:39:00]我而家好煩呀, 好像困死佐走不出去, 人讀日文我讀日文, 都唔知點解我咁蠢架...
個腦會hang機<<咪用電腦 Zaurus 呢個字點讀 << 因為你可以手寫個漢字入部Zaurus個touch pad 查字典會有 漢字嘅 ひらかな 比你 你味識左個字囉 以前末有上網 我地D香港同学 人手一部Zaurus 比你知埋我幾老添 慢三拍先理解到 好過永遠吾識...外國人嗎 比心機一定識嘅 D鬼佬做日本電視講日文 叻過日本人 日本野轉得快 而家D Zaurus 有無手寫輸入請自己check http://ezaurus.com/
[版主回覆01/04/2010 15:52:00]嘩, 好多謝你既資料呀~
得閒去果D XXカメラ睇吓部實物先~
用平假名和罗马字(拉丁字母)标明了日语的汉字.请供你的日语的学习使用goopaa.
http://www.goopaa.net/
[版主回覆01/19/2010 18:01:00]oh, thank you ar~~~
初到妳的 blog，便被吸引了，所以 add 了妳做 blog 友
日文 … 我都有興趣，但未必會學，因為自知語言天份是零，連廣東話都未講好 (因為唔多喜歡講野 )，所以覺得你地好叻呀 !!
[版主回覆01/25/2010 22:47:00]THANKS~~ 其實我都無語言天分架, 所以去到呢個階段, 覺得有D吃力了...
發佈留言