上星期六自己係屋企玩煮飯仔, 不過今次就簡單得多, 只係整佐個豬扒腸仔西蘭花意粉+煎窩貼+湯(有D九唔搭八...)
豬扒腸仔西蘭花意粉 $14.5材料:
意粉 (屋企有)
豬扒3塊 $9 (百佳)
西蘭花一個 $3.5 (百佳)
意粉醬 (屋企有)
雞肉腸兩條 $2 (百佳)
做法:
a) 豬扒切成小塊, 鹽, 生抽, 燒油, 生粉調味
b) 將西蘭花洗淨, 切細
c) 香腸切小片
d) 將意粉煲熟, 夾起晾乾水
e) 西蘭花用滾水淥淥
f) 開熱鑊加油, 先將豬扒, 香腸落鑊煎香
g) 再落意粉, 西蘭花, 加少許鹽
h) 最後落意粉醬, 炒多兩炒, 完成上碟
五瓜豬展湯 $19
材料:
湯包 $15 (百佳)
清雞湯 $4 (百佳)
煎窩貼 $10 (百佳)唔駛講解啦掛...
好味道~~ 是次晚飯總共$43.5
5 則留言:
Looks good! 如你去日本, 正如我所說, 一定要去宇都宮吃餃子.
如果自己煲湯, 都是不用放清雞好了, 因為清雞湯應該都有味精呢.
HI, 墨魚燒賣, 你都係住元朗, 有冇去成記食佢地皇牌飯, 豉油豬扒飯呢? 好好味架. 佢地D豬扒係新鮮豬扒, 並唔係冰鮮豬扒, 肉味濃好多同埋鮮味好多, 好有質感, 好好味架, 加上佢地D豉油係特制, 特別甜, 唔好比佢D豉油色呃到, 以為好喊, 一D都唔喊, 反而係甜味既, 可能佢加左糖, 總之佢地D豬扒係好好味, 日日都好多 FANS食, 開左有2X年, 唯獨環境麻麻, 冇冷氣, 响交通廣場對面既"東菇亭" , 叫成記乜乜茶寮咁上下. (尋日見到你同你外子行街, 哈哈.)
自己煮, 真係慳好多
Mr "LUCY" Wong: 我都唔知幾時再有機會去日本, 嗚嗚... 咪咪貓&豆豆龍: 我仲以為放佐會入味D添, 咁下次都係慳番唔放了. Kukuku: 成記? 真係未試過喎... 嘩唔係化, 比你點佐相添... 三姑: 可惜我係懶人, 有時寧願比錢出去食都唔願自己煮.
發佈留言