2007年5月24日(四) -- 探索之旅

返到屋企抖佐陣, 我地又再繼續「探索之旅」. 我屋企附近有個市鎮公園, 環境幾好, 同埋假期都會有好多人黎放狗/玩等等. 但係我同流沙包係附近住佐年幾兩年, 就完全無行過入去公園裏面睇睇, 所以我就提議趁假期去行下. 原來呢個公園真係幾大, 環境幾唔錯, 有人工湖, 個湖有好多魚魚同龜龜架, 好可愛~ 又有D運動設施如比你做sit up, 引體上升果類; 有兒童遊樂場; 有五人同七人既足球場; 仲有個好大既草地添喎. 另外可惜我地太遲黎, 百鳥塔6點關門, 我地不得其門而入, 唯有下次再黎過~~