2006年5月10日(三)

今日約佐湯米去壽司亭食飯, 真係越黎越不知所謂, 壽司亭我都覺得麻麻地架啦, 點知元朗果間仲差, D野又唔好食, 又細件, 咁既質素賣咁既價錢, 我去一番食無咁嬲啦~ 最離譜係D冷氣超勁, 我估佢既溫度應該得十零廿度, 痴痴地, 我披住件披肩都覺得好凍呀. 我下次唔會再去壽司亭食飯啦~!

返到屋企再搞下部錄影機, 原來佢個設定時間改佐, 所以搞到錄唔到野. 有無搞錯呀?! 點解無啦啦會變佐05年2月架?!! 我都無改過, 真係激死人~!!