2009年10月4日(日) -- 秋葉原半天遊

尋日係中秋節, 但因為身體不適, 所以訓到下午三點先起身, 然後邊度都無去(嗚, 孤伶伶既中秋節...), 淨係留係屋企煲超級巨聲, 睇到凌晨四點先訓(無法啦, load得好慢呀).

到佐星期日, 又係訓到三點先起身, 見今日幾好天, D感冒又好番好多, 於是近近地去秋葉原行吓.

去到秋葉原我都無特別睇D咩, 淨係去佐ドン.キホーテ睇吓無聊野, 去佐機舖睇吓有無公仔夾, 同埋去佐BOOK-OFF買書. (其實係因為我一個女仔, 有D地方都唔敢去又唔敢入)

 

 

BOOK-OFF係我以前home stay既時候已經勁愛佢架啦, 簡直係我當時呢類窮學生打發時間既好去處. 今次黎佐日本個幾月, 今日先第一次去BOOK-OFF巡視.

平平地買佐兩本書, 夾埋都係500円, 抵! 呢個作者我之前有睇過佢遊意大利果本漫畫, 今次見呢兩本書做緊250円所以買黎睇吓.

 

係秋葉原行到七點幾, 然後搭3個JR站過錦糸町, 目的係去超市掃貨及等八點半既特價時段(因為係錦糸町搭一個地鐵站就可以返到屋企, 所以我通常都去呢間超市). 今日買佐一大堆野返黎, 駛佐4千幾円, D糧草應該夠頂一個星期.

 

個雪櫃從來未試過咁多野:

係超市仲買佐呢個菓子玩具:

等超市八點半特價之前又去佐附近機舖睇吓, 明明話唔嘥錢夾架啦, 最後都係忍唔住玩佐五百円, 好似都有收穫: