我地搭纜車落番山後本來打算搭巴士去下一個景點, 點知等車果陣我發覺流沙包條運動頸繩個扣鬆佐. 流沙包一向將隻結婚戒指穿喺條頸繩度, 個扣鬆佐, 即係隻戒指已經唔見佐.
明明本來大家既心情都好愉快, 果刻當堂晴天pig pig. 一來隻戒指都唔平, 要HK$6,500; 二來即使返香港買番, 都已經唔係果一隻啦, 配番都好似無咩意思.
我地即刻諗吓到底會係邊度唔見, 最大可能應該就係天上山公園, 因為當時天氣太凍, 我曾經係山上將隻手塞佐入流沙包既衫領取暖, 估計可能就係咁整甩佐佢條頸繩個扣.
於是我地上番山嘗試搵番隻戒指, 但當時我心諗, 機會都好渺茫, 一來其實我地都唔肯定隻戒指係邊度唔見; 二來就算隻戒指確定係天上山公園唔見, 但要喺滿山落葉既山路中搵一隻戒指, 仲要我地沿途行佐唔少山路, 真係mission impossible...
但唔搵又好似對唔住自己, 所以我地沿住頭先行過既山路再行一次, 完全係大海撈針咁...
通地都係落葉, 點搵呀...?:
行到上山頂啦, 搵唔到呀!! 通地都係落葉, 完全唔覺得有搵得番既可能...
唉... 明明一個愉快旅程, 就此糟蹋佐...
2009年10月30日星期五
2009年10月24日(六) -- 河口湖之旅 Day 1 (part 4) -- 嗚, 唔見佐隻結婚戒 指...
訂閱：
發佈留言 (Atom)
1 則留言:
我都有類似的經歷, 我同老公N年前去北京玩, 我比D CREAM佢查手, 於是佢除左隻結婚介指放入褲袋, 我地懷疑攞錢買野時可能整跌左隻介指. 不過算啦, 我地都無特別唔開心, 就當佢放左係保險箱, 之後我都一齊無帶結婚介子LU~~我將佢放入保險箱.
[版主回覆10/30/2009 20:03:00]我自己隻戒指就廿四小時都戴住, 就算係公司做清潔阿蟬倒垃圾果陣都戴住架, 因為驚自己會整唔見. 但奇蹟地竟然比我地搵得番呀, 真係開心到喊.
發佈留言